ରୋହିତ ଶର୍ମା ଓ ବିରାଟ କୋହଲି ଏବେ ଟେଷ୍ଟ ଆଉ ଟି–୨୦ରୁ ଅବସର ନେଇସାରିଛନ୍ତି । ହେଲେ ଆଗକୁ କିନ୍ତୁ ରୋହିତ ଶର୍ମା ଆଉ ବିରାଟ କୋହଲିଙ୍କୁ ନେଇ ବଡ଼ ନିଷ୍ପତ୍ତି ନେବାକୁ ଯାଉଛି ଭାରତୀୟ କ୍ରିକେଟ୍ କଣ୍ଟ୍ରୋଲ୍ ବୋର୍ଡ । କମିବାକୁ ଯାଉଛି ରୋହିତ ଶର୍ମା ଆଉ ବିରାଟ କୋହଲିଙ୍କ ଦରମା । ୩୧ତମ ବାର୍ଷିକ ସାଧାରଣ ସଭା ଭର୍ଚୁଆଲ୍ ଭାବରେ ଅନୁଷ୍ଠିତ ହେବ, ଯେଉଁଠାରେ ବିସିସିଆଇର କର୍ତୃପକ୍ଷ କୋହଲି ଏବଂ ରୋହିତଙ୍କ ଚୁକ୍ତିନାମାର ଭବିଷ୍ୟତ ଉପରେ ନିଷ୍ପତ୍ତି ନେବେ। ଉଭୟ ବରିଷ୍ଠ ବ୍ୟାଟ୍ସମ୍ୟାନ୍ ଗତ ବର୍ଷ ମଧ୍ୟରେ ଟେଷ୍ଟ ଏବଂ ଟି–୨୦ରୁ ଅବସର ନେଇସାରିଛନ୍ତି ଏବଂ ବର୍ତ୍ତମାନ କେବଳ ଦିନିକିଆରେ ଖେଳୁଛନ୍ତି । ୨୦୨୪–୨୫ ରେ ସେମାନେ ଗତ ଜୁନ୍ ମାସରେ ଭାରତର ଟି–୨୦ ବିଶ୍ୱକପ୍ ବିଜୟ ପରେ ଟି–୨୦ରୁ ଓହରିଯିବା ସତ୍ତ୍ୱେ ଜସପ୍ରିତ ବୁମରାହ ଏବଂ ରବିନ୍ଦ୍ର ଜାଡେଜାଙ୍କ ସହିତ A+ ବର୍ଗରେ ରହିଥିଲେ। କୋହଲି ଏବଂ ରୋହିତ ଆଗାମୀ ସାଇକେଲ ପାଇଁ A+ ବର୍ଗରେ ରହିବେ କି ନାହିଁ, ଯେପରି ଗତ ସିଜନରେ ସେମାନଙ୍କ ଟେଷ୍ଟ ଅଂଶଗ୍ରହଣ ଉପରେ ଆଧାରିତ ପୂର୍ବାନୁମାନ ଆଧାରରେ କରାଯାଇଥିଲା, ନା ସେମାନଙ୍କୁ ଗ୍ରେଡ୍ A କୁ ସ୍ଥାନାନ୍ତରିତ କରାଯିବ ତାହା ଦେଖିବାକୁ ବାକି ଅଛି। ଆସନ୍ତା ଡିସେମ୍ବର ୨୨ ତାରିଖରେ ବସିବାକୁ ଯାଉଛି ବିସିସିଆଇର ବାର୍ଷିକ ବୈଠକ । ଏହି ବୈଠକରେ ବିରାଟ କୋହଲି ଆଉ ରୋହିତ ଶର୍ମାଙ୍କ ସେଣ୍ଟ୍ରାଲ କଣ୍ଟ୍ରାକ୍ଟକୁ ନେଇ ନିଷ୍ପତ୍ତି ନିଆଯାଇପାରେ । ବର୍ତ୍ତମାନ ସମୟରେ ଏହି ଦୁଇ ଖେଳାଳି ବିସିସିଆଇର ଏ+ କାଟାଗୋରିରେ ଆସୁଛନ୍ତି । ହେଲେ ଏବେ ଏହାକୁ କମେଇ ଏ ଗ୍ରେଡ୍ କରିବାକୁ ବିସିସିଆଇ ଚିନ୍ତା କରୁଥିବା ଜଣାପଡ଼ିଛି ।
ରୋହିତ ଶର୍ମା ଆଉ ବିରାଟ କୋହଲି ଏବେ କେବଳ ଓ୍ୱାନଡେ ମ୍ୟାଚ୍ ଖେଳୁଛନ୍ତି । ହେଲେ ବିସିସିଆଇ କିନ୍ତୁ ଏହି ଦୁଇ ଖେଳାଳିଙ୍କୁ ଏ+ ଗ୍ରେଡରେ ରଖିଥିବାରୁ, ଦୁହେଁ ବର୍ଷକୁ ବିସିସିଆଇଠାରୁ ୭ କୋଟି ଟଙ୍କା ଦରମା ପାଉଛନ୍ତି । ହେଲେ ଦୁହିଁଙ୍କ ଦରମାକୁ କମାଇ ଏବେ ୫ କୋଟି କରିବାକୁ ବିସିସିଆଇ ନିଷ୍ପତ୍ତି ନେଇପାରେ ବୋଲି ଜଣାପଡ଼ିଛି । ବିସିସିଆଇ ପୂର୍ବ ଲିଷ୍ଟରେ ଏ+ ଗ୍ରେଡରେ ରୋହିତ ଶର୍ମାଙ୍କ ସହିତ ବିରାଟ କୋହଲି, ବୁମରା ଆଉ ରବୀନ୍ଦ୍ର ଜାଡେଜା ରହିଥିଲେ । ସେହିପରି ଏ ଗ୍ରେଡରେ ସିରାଜ, କେ ଏଲ ରାହୁଲ, ଶୁଭମନ୍ ଗିଲ୍, ପାଣ୍ଡ୍ୟା, ସାମି ଆଉ ପନ୍ତ ଥିଲେ । ହେଲେ ଖୁବଶୀଘ୍ର ଏହି ଲିଷ୍ଟରେ କିଛିଟା ପରିବର୍ତ୍ତନ ଦେଖିବାକୁ ମିଳିପାରେ । ମିଳିଥିବା ସୂଚନା ଅନୁସାରେ, ଟିମ୍ ଇଣ୍ଡିଆର କ୍ୟାପଟେନ୍ ଶୁଭମନ୍ ଗିଲଙ୍କୁ ଏ+ ଗ୍ରେଡରେ ରଖାଯାଇପାରେ । ଆଉ ରୋହିତ ଶର୍ମା ଆଉ ବିରାଟ କୋହଲିଙ୍କୁ ଏ+ ଗ୍ରେଡରୁ ଖସାଇ ଏ ଗ୍ରେଡରେ ରଖାଯାଇପାରେ । ଡିସେମ୍ବର ୨୨ ତାରିଖରେ ବିସିସିଆଇର ମିଟିଂ ବସିବାକୁ ଯାଉଛି । ଆଉ ଏହି ମିଟିଂରେ କିଛି ବଡ଼ ନିଷ୍ପତ୍ତି ନିଆଯାଇପାରେ । ବୈଠକରେ ଅମ୍ପାୟାର ଏବଂ ମ୍ୟାଚ୍ ରେଫରିଙ୍କ ପାଇଁ ପାରିଶ୍ରମିକ ଗଠନରେ ପ୍ରସ୍ତାବିତ ସଂଶୋଧନ, ଏବଂ ବୋର୍ଡର ଡିଜିଟାଲ୍ ପ୍ଲାଟଫର୍ମ ସହିତ ଜଡିତ ଅପଡେଟ୍ ସମେତ ଅନେକ ଅତିରିକ୍ତ ବିଷୟ ଉପରେ ମଧ୍ୟ ଆଲୋଚନା କରାଯିବ।
