ସାଥି ଖେଳାଳିଙ୍କୁ ପାଣି ଯୋଗାଇ ବିରାଟ ସାଜିଛନ୍ତି ୱାଟର ବୟ

ବ୍ୟୁରୋ: ୱାଟର ବୟ ହେଲେ ବିରାଟ କୋହଲି । ସାଥି ଖେଳାଳିଙ୍କୁ ପାଣି ଯୋଗାଇ ବିରାଟ ସାଜିଛନ୍ତି ୱାଟର ବୟ । ଏସିଆ କପର ସୁପର -୪ ମ୍ୟାଚରେ ଭାରତ ଏବଂ ବାଂଲାଦେଶ ମଧ୍ୟରେ ହୋଇଥିଲା ମ୍ୟାଚ ।ଏହି ମ୍ୟାଚରେ ବିରାଟ କୋହଲିଙ୍କୁ ଦିଆଯାଇଥିଲା ରେଷ୍ଟ । କିନ୍ତୁ ଏହି ମ୍ୟାଚରେ ସମସ୍ତଙ୍କ ମନ ଜିଣିଥିଲେ ବିରାଟ କୋହଲି । ଏହି ସୁପର ୪ ଶେଷ ମ୍ୟାଚରେ ବାଂଲାଦେଶ ବିପକ୍ଷରେ ୫ଟି ପରିବର୍ତ୍ତନ ସହ ଫଲ୍ଡି କୁ ଓହ୍ଲାଇ ଥିଲା ଭାରତୀୟ ଦଳ । ଏହି ମ୍ୟାଚରେ ବିରାଟ କୋହଲିଙ୍କ ସମେତ ହାର୍ଦ୍ଦିକ, କୁଲଦୀପ, ବୁମରାହ ଏବଂ ସିରାଜଙ୍କୁ ବିଶ୍ରାମ ଦେଇଥିଲେ ଅଧିନାୟକ ରୋହିତ ଶର୍ମା । ତେବେ ମ୍ୟାଚ ଖେଳୁନଥିବା ବିରାଟ କୋହଲିଙ୍କ ‘ୱାଟର ବୟ’ ସାଜିଥିବା ଦେଖିବାକୁ ମିଳିଥିଲା । ଯାହାର ଭିଡିଓ ଏବେ ବେଶ ଭାଇରାଲ ହେବାରେ ଲାଗିଛି ।
ଏହି ମ୍ୟାଚରେ ପ୍ରଥମେ ବୋଲିଂ କରୁଥିବା ଭାରତୀୟ ଦଳ ପାଇଁ ଓଭର ମଝିରେ ପାଣି ନେଇ ମଇଦାନକୁ ଆସିଥିଲେ କିଙ୍ଗ କୋହଲି । ଆଉ ତାଙ୍କର ଏମିତି ଏଣ୍ଟ୍ରି ଦେଖି ଷ୍ଟାଡିୟମରେ ବସିଥିବା ସମସ୍ତେ ଖୁସି ହୋଇଯାଇଛନ୍ତି । ସାଥୀ ଖେଳାଳିଙ୍କ ପାଇଁ ପାଣି ନେଇ ଆସୁଥିବା ବେଳେ ବିରାଟ ମଜାଳିଆ ଷ୍ଟାଇଲରେ ଦୌଡ଼ି ଦୌଡ଼ି ଆସିଥିଲେ । ଆଉ ଏହାକୁ ଦେଖି ଫ୍ୟାନ୍ସ ବେଶି ଖସି ହୋଇଯାଇଥିଲେ । ଆଗରୁ ଏପରି ଅନେକ ମଜାମସ୍ତି କରୁଥିବାର ନଜର ଆସିଛନ୍ତି ବିରଟ । ଭାରତ-ଶ୍ରୀଲଙ୍କା ମ୍ୟାଚରେ ଡ୍ୟାନ୍ସ କରୁଥିବା ଦେଖିବାକୁ ମିଳିଥିବା ବେଳେ ଏହା ପୂର୍ବରୁ କୋହଲି ନେପାଳ ସହିତ ମ୍ୟାଚ ଖେଳୁଥିବା ବେଳେ ଫିଲ୍ଡିଂ ସମୟରେ ନେପାଳୀ ଗୀତରେ ଡ୍ୟାନ୍ସ କରୁଥିବାର ମଧ୍ୟ ନଜର ଆସିଥିଲେ କୋହଲି ।