ବିରାଟ କୋହଲି ଏବଂ ପତ୍ନୀ ଅନୁଷ୍କା ଶର୍ମା ଲଣ୍ଡନରେ ଥିବା କୃଷ୍ଣ ଦାସ କୀର୍ତ୍ତନ ଶୋ ଦେଖିବା ପାଇଁ ପହଞ୍ଚିଛନ୍ତି । ପୂର୍ବରୁ ବିଭିନ୍ନ ଧାର୍ମିକ ସ୍ଥଳମାନଙ୍କରେ ଉଭୟଙ୍କୁ ଦେଖିବାକୁ ମିଳିଛି । ଅନେକ ମନ୍ଦିର ଏବଂ ମଠରେ ଯାଇ ଉଭୟେ ପୂଜାର୍ଚ୍ଚନା କରିଛନ୍ତି ।
ଲଣ୍ଡନରେ ଆୟୋଜିତ ଏହି କାର୍ୟ୍ୟକ୍ରମରେ ଜଣାଶୁଣା ଆମେରକୀୟ ଗାୟକ କୃଷ୍ଣ ଦାସଙ୍କ କୀର୍ତ୍ତନରେ ସେଲିବ୍ରିଟି ଯୋଡି ଭକ୍ତି ସଂଗୀତର ଆକର୍ଷଣୀୟ ମେଲୋଡିରେ ନିଜକୁ ସମ୍ପୂର୍ଣ୍ଣ ଭାବେ ହଜାଇ ଦେଇଥିଲେ। ଯାହାର ଭିଡିଓ ଭାଇରଲ ହେବାରେ ଲାଗିଛି ।
ଭାରତୀୟ ଟିମ୍ ଜୁଲାଇ ୧୨ ତାରିଖରୁ ୱେଷ୍ଟଇଣ୍ଡିଜରେ ଟେଷ୍ଟ ସିରିଜ ଖେଳିବ । ତା’ ପରେ ଦିନିକିଆ ଏବଂ ଟି-୨୦ ମ୍ୟାଚ୍ ଖେଳିବ । ଟିମ୍ ଇଣ୍ଡିଆ ୨ଟି ଟେଷ୍ଟ, ୩ ଟି ଦିନିକିଆ ଏବଂ ୫ଟି ଟି-୨୦ ମ୍ୟାଚ୍ ଖେଳିବ । ଏହାପରେ ଜୁଲାଇ ୨୭ରୁ ଦିନିକିଆ ଏବଂ ଅଗଷ୍ଟ ୩ରୁ ଟି-୨୦ ମ୍ୟାଚ ଖେଳିବ । ତେବେ ଏହାପୂର୍ବରୁ କୌଣସି ମ୍ୟାଚ୍ ନ ଥିବାରୁ ଖେଳାଳି ଏବେ କିଛି ସମୟ ବ୍ରେକ ନେଇ ନିଜ ପରିବାର ସହିତ ସମୟ ଅତିବାହିତ କରୁଛନ୍ତି ।
