(ଓଡିଶା ସ୍ପୋର୍ଟସ): କ୍ୟାପଟେନ୍ ମାର୍କୋ ଷ୍ଟାନକୋଭୀଚଙ୍କ ଇଞ୍ଜୁରି ଟାଇମ ପେନାଲ୍ଟିରେ ଦିଆଯାଇଥିବା ଗୋଲ୍ ସାହାଯ୍ୟରେ ହାଇଦରାବାଦ ଏଏଫସି ହିରୋ ଇଣ୍ଡିଆନ ସୁପର ଲିଗ୍(ଆଇଏସ୍ଏଲ୍) ଏଠାରେ ମୁମ୍ବାଇ ସିଟି ଏଫସିକୁ ୧-୧ ଡ୍ରରେ ଅଟକାଇଛି । ମୁମ୍ବାଇକୁ ମୋହମ୍ମଦ ଲାର୍ବି ୪୩ତମ ମିନିଟରେ ପେନାଲ୍ଟିରେ ଗୋଲ କରି ୧-୦ରେ ଆଗୁଆ ରହିଥିଲା । କିନ୍ତୁ ହାଇଦରାବାଦ ତାହାର ସମସ୍ତ ଅଙ୍କ ହାସଲ କରିବାର ଆଶା ପୁରଣ ହେବାକୁ ଦେଇନାହିଁ । ଷ୍ଟାନକୋଭିଚ୍ ଅନ୍ତିମ ସିଟି ବାଜିବାର କିଛି ସମୟ ପୂର୍ବରୁ (୯୦+୪ ମିନିଟ୍) ଗୋଲ କରିଥିଲେ । ମୁମ୍ବାଇ ସିଟି ଏଏଫସିକୁ ୧୪ଟି ମ୍ୟାଚରୁ ପାଞ୍ଚଟି ମ୍ୟାଚରେ ଅଙ୍କ ବାଣ୍ଟିବାକୁ ବାଧ୍ୟ ହୋଇଛି । ଏବେ ମୁମ୍ବାଇର ୨୦ ଅଙ୍କ ହୋଇଯାଇଛି, କିନ୍ତୁ ସେ ଏବେ ମଧ୍ୟ ପଞ୍ଚମ ସ୍ଥାନରେ ରହିଛି । ହାଇଦରାବାଦ ଗତ ୧୪ଟି ମ୍ୟାଚ୍ ମଧ୍ୟରୁ ତୃତୀୟ ଡ୍ର ଖେଳିଛି । ତାହାର ଟିମ୍ ଗତ ୧୨ଟି ମ୍ୟାଚରୁ ଗୋଟିଏ ମଧ୍ୟ ବିଜୟ ହାସଲ କରିପାରି ନାହିଁ । ଏହି ଟିମ୍ ୬ଅଙ୍କ ସହିତ ଶେଷରେ ରହିଛି ।
ଇଣ୍ଡିଆନ ସୁପର ଲିଗ୍: ହାଇଦରାବାଦ-ମୁମ୍ବାଇ ମ୍ୟାଚ୍ ଡ୍ର
