କୋରିଆକୁ ହରାଇ ଏସୀୟ ଚାମ୍ପିଅନ୍ସ ଟ୍ରଫି ହକି ସେମିରେ ଭାରତ

ଭୁବନେଶ୍ୱର: ଚଳିତ ଏସୀୟ ଚାମ୍ପିଅନ୍ସ ଟ୍ରଫି ହକି ପ୍ରତିଯୋଗିତାରେ ଅପରାଜେୟ ଭାରତ ସେମିଫାଇନାଲ୍ ସ୍ଥାନ ପକ୍କା କରିଛି। ସୋମବାର ଲିଗ୍ ମ୍ୟାଚ୍ରେ ଘରୋଇ ଦଳ ୩-୨ ଗୋଲରେ କୋରିଆକୁ ପରାସ୍ତ କରିଚି। ଫଳରେ ଭାରତ ୪ ମ୍ୟାଚ୍ରୁ ୩ ବିଜୟ ଓ ୧ ଅମୀମାଂସିତରୁ ୧୦ ପଏଣ୍ଟ ପାଇ ଟେବୁଲର ଶୀର୍ଷ ସ୍ଥାନ ଦଖଲ କରିବା ସହ ପ୍ରଥମ ଦଳ ଭାବେ ସେମିଫାଇନାଲ୍ ସ୍ଥାନ ନିଶ୍ଚିତ କରିଥିଲା। ମାଲେସିଆ ମଧ୍ୟ ୪ରୁ ୩ ବିଜୟ ୧ ପରାଜୟରୁ ୯ ପଏଣ୍ଟ ପାଇ ଟେବୁଲର ଦ୍ବିତୀୟରେ ରହିବା ସହ ସେମିଫାଇନାଲରେ ପହଞ୍ଚିଛି। କୋରିଆ ୫ ପଏଣ୍ଟ ପାଇ ତୃତୀୟ, ପାକିସ୍ତାନ ୫ ପଏଣ୍ଟ ପାଇ ଚତୁର୍ଥରେ ରହି ସେମିଫାଇନାଲ୍ ଦୌଡ଼ରେ ଅଛନ୍ତି। ଜାପାନ ୨ ପଏଣ୍ଟ ପାଇ ଆଶା ଉଜ୍ଜୀବିତ ଥିଲା ବେଳେ ଚୀନ୍ ୧ ପଏଣ୍ଟ ପାଇ ଏହି ଦୌଡ଼ରୁ ବାଦ୍ ପଡ଼ିଛି।