(ଓଡିଶା ସ୍ପୋର୍ଟସ): ଚଳିତ ଥାଇଲ୍ୟାଣ୍ଡ୍ ପାରା ବ୍ୟାଡମିଣ୍ଟନ୍ ଇଣ୍ଟରନ୍ୟାଶନାଲ୍ ଟୁର୍ଣ୍ଣାମେଣ୍ଟରେ ଷ୍ଟାର ତାରକା ପ୍ରମୋଦ ଭଗତ ବିଜୟଧାରା ଅବ୍ୟାହତ ରଖି ଉଭୟ ସିଙ୍ଗଲ୍ସ ଓ ଡବଲ୍ସ ସେମିଫାଇନାଲରେ ପ୍ରବେଶ କରିଛନ୍ତି।
ସେ ଗୁରୁବାର ଦିନ ପୁରୁଷ ସିଙ୍ଗଲ୍ସ କ୍ୱାର୍ଟରଫାଇନାଲରେ ସେ ଫ୍ରାନ୍ସର ମାଥ୍ୟୁ ଥୋମାସଙ୍କୁ ୨୧-୧୮, ୨୧-୧୯ ଗେମରେ ପରାସ୍ତ କରି ଅନ୍ତିମ-୪ରେ ସ୍ଥାନ ହାସଲ କରିଛନ୍ତି। ଆଜି ପ୍ରମୋଦ ସେମିଫାଇନାଲରେ ଜାପାନର ଡାଇସୁକ୍ ଫୁଜିହାରାଙ୍କୁ ଭେଟିବେ।
ସେହିପରି ଡବଲ୍ସରେ ପ୍ରମୋଦ ନିଜ ଦେଶର ମନୋଜ ସରକାରଙ୍କ ସହ ମିଶି କ୍ୱାର୍ଟରଫାଇନାଲରେ ଫ୍ରାନ୍ସର ମାଥ୍ୟୁ ଥୋମାସ ଓ ଭାରତର ନିତେଶ କୁମାରଙ୍କୁ ୨୧-୧୭, ୨୨-୨୦ ଗେମରେ ପରାସ୍ତ କରିଛନ୍ତି। ସେମିରେ ପ୍ରମୋଦ ଓ ମନୋଜଙ୍କ ସାମ୍ନା ଥାଇଲ୍ୟାଣ୍ଡର ଚାୱାରତ୍ କିଟ୍ଟିଚୋକୱାଟ୍ଟାନା ଏବଂ ସାଙ୍ଗନିଲ୍ ସିଙ୍ଘାଙ୍କ ସହ ହେବ।
ଥାଇଲ୍ୟାଣ୍ଡ ପାରା ବ୍ୟାଡ଼ମିଣ୍ଟନ ସେମିରେ ପ୍ରମୋଦ
