ସଫଳତାର ସହ ସରିଲା କେଏଲ ରାହୁଲଙ୍କ ଅସ୍ତ୍ରୋପଚାର

ନୂଆଦିଲ୍ଲୀ: ସଫଳତାର ସହ ସରିଲା କେଏଲ ରାହୁଲଙ୍କ ଅସ୍ତ୍ରୋପଚାର । ଚଳିତ ଆଇପିଏଲରେ ଲକ୍ଷ୍ନୌ ସୁପରଜ୍ୟାଂଟସର ଅଧିନାୟକ ଦାୟିତ୍ୱ ସେ ତୁଲାଉଥିଲେ । ହେଲେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷ ମ୍ୟାଚରେ ସେ ଆଘାତପ୍ରାପ୍ତ ହୋଇଥିଲେ । ଏହା ପରେ ଡାକ୍ତର ଅସ୍ତ୍ରୋପଚାର କରିବା ପାଇଁ କହିଥିଲେ । ଏ ନେଇ ରାହୁଲ ସୋସିଆଲ ମିଡିଆରେ ଅସ୍ତ୍ରୋପଚାର ସଫଳ ହେବା ନେଇ ପ୍ରଶଂସକଙ୍କୁ ଜଣାଇଛନ୍ତି ।ରାହୁଲ ଖରାପ ଫର୍ମ ନେଇ ପୂର୍ବରୁ ସମାଲୋଚିତ ହେଉଥିଲେ । ତେବେ ଆଇପିଏଲରେ ତାଙ୍କ ପ୍ରଦର୍ଶନ ସେତେଟା ଖରାପ ନ ଥିଲା । ଆଇପିଏଲରେ ଲକ୍ଷ୍ନୌ ୧୧ ପଂଏଟ ହାସଲ କରି ଏବେ ୪ର୍ଥ ସ୍ଥାନରେ ରହିଛି । ନିକଟରେ ରାହୁଲଙ୍କ ଅସୁସ୍ଥତା ନେଇ ତାଙ୍କ ଶ୍ୱଶୂର ସୁନୀଲ ସେଟ୍ଟୀ କହିଥିଲେ ପଡିଆ ରହିବ, ଖେଳାଳି ବଦଳିବେ । ଆମକୁ ସମସ୍ତ ପ୍ରକାର ପରିସ୍ଥିତି ସହ ମୁକାବିଲା କରିବ ଚଳିବାକୁ ପଡିବ ।