(ଓଡିଶାସ୍ପୋର୍ଟସ ): ଓ ଡି ଜେନିରୋ ଖେଳାଯାଇଥିବା ଆଇଏସ୍ଏସ୍ଏଫ୍ ବିଶ୍ୱ କପ୍ରେ ଭାରତୀୟ ସୁଟର୍ ଏଲାଓ୍ଵନିଲ୍ ଓ୍ଵାଲାରିଓ୍ଵାନ୍ ୧୦ ମିଟର୍ ଏୟାର୍ ରାଇଫଲ୍ ବର୍ଗରେ ସ୍ୱର୍ଣ୍ଣପଦକ ଜିଣିଛନ୍ତି। ୨୦ ବର୍ଷୀୟା ଏଲାଓ୍ଵନିଲ୍ଙ୍କ ଏହା ସିନିଅର ସୁଟିଂ ବିଶ୍ୱକପରେ ଏହା ପ୍ରଥମ ସ୍ୱର୍ଣ୍ଣ ପଦକ । ସେ ୨୫୧.୭ ପଏଂଟ୍ ହାସଲ କରି ଏହି ସଫଳତା ପାଇଛନ୍ତି । ପୂର୍ବରୁ ୨୦୧୮ରେ ସିଡ୍ନି ଏବଂ ସୁଲ୍ରେ ଆଇଏସ୍ଏସ୍ଏଫ୍ ଜୁନିୟର୍ ଓ୍ଵାର୍ଲଡ୍ କପ୍ରେ ସ୍ୱର୍ଣ୍ଣପଦକ ପାଇଥିଲେ।ଇଂଲଣ୍ଡର ସିଓନେଡ୍ ମେକିନ୍ତୋଶ୍ ୨୫୦.୬ ପଏଣ୍ଟ୍ ହାସଲ କରି ରୌପ୍ୟପଦକ ଜିଣିଛନ୍ତି। ସୁଟିଂରେ ସ୍ୱର୍ଣ୍ଣ ପଦକ ନିଜ ନାମରେ କରିଥିବା ଇଲାଭେନିଲ ତୃତୀୟ ଭାରତୀୟ ଅଟନ୍ତି । ଏହା ପୂର୍ବରୁ ଅପୂର୍ବୀ ଓ ଅଞ୍ଜଳୀ ଭାଗବତ ଏହି ସଫଳତା ପାଇଛନ୍ତି ।
ଏହି ପ୍ରତିଯୋଗିତାରେ ବିଶ୍ୱର ଦ୍ୱିତୀୟ ଅଞ୍ଜୁମ୍ ମୌଦ୍ଗିଲ୍ ୧୬୬. ୮ ହାସଲ କରି ଷଷ୍ଠ ସ୍ଥାନରେ ରହିଛନ୍ତି। ପୂର୍ବରୁ ଅପୂର୍ବୀ ଫାଇନାଲ୍କୁ ଯିବାକୁ ଉଦ୍ୟମ କରି ବିଫଳ ହୋଇଥିଲେ। ସେ ୧୧ଶ ସ୍ଥାନରେ ଅଛନ୍ତି। ଅଞ୍ଜୁମ୍ କିନ୍ତୁ, ୨୦୨୦ ଟୋକିଓ ଅଲିମ୍ପିକ୍ ପାଇଁ ତାଙ୍କର କୋଟା ହାସଲ କରିସାରିଛନ୍ତି।
