(ଓଡିଶା ସ୍ପୋର୍ଟସ୍): ବିଶ୍ୱର ନମ୍ବର ୱାନ୍ ଟେନିସ୍ ଖେଳାଳି ନୋଭାକ ଜୋକୋଭିକ୍ ଏକ ଅଦ୍ଭୁତ କାରଣ ଯୋଗୁଁ ୟୁଏସ୍ ଓପନ୍ ରୁ ବାହାର ହୋଇଛନ୍ତି । ବାସ୍ତବରେ ସେ ଲାଇନରେ ଠିଆ ହୋଇଥିବା ବିଚାରପତିଙ୍କ ଜଙ୍ଘକୁ ଟେନିସ୍ ବଲ୍ ମାରି୍ଥିଲେ, ଯେଉଁଥିପାଇଁ ତାଙ୍କୁ ଅଯୋଗ୍ୟ ଘୋଷଣା କରାଯାଇଥିଲା ।
ତେବେ ସେ ଉଦ୍ଦେଶ୍ୟମୂଳକ ଭାବେ ବିଚାରପତିଙ୍କୁ ଆଘାତ ଦେଇନାହାଁନ୍ତି । ବଲ୍ରେ ଆଘାତ ପାଇବା ପରେ ଜଜ୍ କିଛି ସମୟ ତଳେ ପଡ଼ିଯାଇଥିଲେ । ଜୋକୋଭିକ୍ ପାବଲୋ କରେନା ବୁସ୍ତାଙ୍କ ସହ ପ୍ରତିଦ୍ୱନ୍ଦ୍ୱିତା କରୁଥିବାବେଳେ ଏହି ଘଟଣା ଘଟିଥିଲା ।
ଏହି ଘଟଣା ପରେ ଜୋକୋଭିକ୍ ମ୍ୟାଚ୍ ପରବର୍ତ୍ତୀ ଇଭେଣ୍ଟରେ ମଧ୍ୟ ଉପସ୍ଥିତ ନଥିଲେ । ସୋସିଆଲ ମିଡିଆରେ ସେ ଏହି ଘଟଣାରେ ପାଇଁ ଦୁଃଖିତ ପ୍ରକାଶ କରିଛନ୍ତି। ସେ କହିଛନ୍ତି, “ଏହି ପୂରା ଘଟଣା ଦ୍ୱାରା ମୁଁ ଗଭୀର ଦୁଃଖିତ । ମୁଁ ଲାଇନ୍ ଜଜ୍ ବିଷୟରେ ପଚାରିଲି ଏବଂ ସେ ସମ୍ପୂର୍ଣ୍ଣ ଭଲରେ ଥିବାରୁ ମୁଁ ଆରାମ ପାଇଲି । ମୁଁ ଦୁଃଖିତ ଯେ ସେମାନେ ମୋ ହେତୁ ଆଘାତ ପାଇଛନ୍ତି । ଅଜାଣତରେ ଏହା ଘଟିଗଲା । ଭୁଲ୍ ହୋଇଛି ।”
“ମୁଁ ତାଙ୍କ ନାମ ଉଲ୍ଲେଖ କରୁନାହିଁ ଯାହା ଦ୍ୱାରା ତାଙ୍କର ଗୋପନୀୟତା ରହିଥାଏ । ମୋତେ ଅଯୋଗ୍ୟତା ଦେବା ପର୍ୟ୍ୟନ୍ତ, ମୁଁ ନିରାଶ ହେବି ଏବଂ ମୁଁ ମୋର କାର୍ୟ୍ୟ ଆରମ୍ଭ କରିବି ଏବଂ ଜଣେ ଭଲ ମଣିଷ ହେବା ଏବଂ ମୋର ବିକାଶ ପାଇଁ ଏହି ଘଟଣାକୁ ମନେ ରଖିବି ।”
ଆହୁରି ମଧ୍ୟ ନୋଭାକ ଜୋକୋଭିକ୍ କହିଛନ୍ତି ଯେ “ମୁଁ ୟୁଏସ୍ ଓପନ୍ ଟୁର୍ନାମେଣ୍ଟ ଏବଂ ଏଥିରେ ସମ୍ପୃକ୍ତ ସମସ୍ତ ଲୋକଙ୍କୁ କ୍ଷମା ମାଗୁଛି । ମୋର ପରିବାର ଏବଂ ସମର୍ଥକଙ୍କୁ ମୁଁ କୃତଜ୍ଞ, ଯେଉଁମାନେ ମୋତେ ପଥର ପରି ସମର୍ଥନ କରିଛନ୍ତି । ଧନ୍ୟବାଦ ଏବଂ ମୁଁ ଦ୍ୁଃଖିତ ।”
