(ଓଡିଶା ସ୍ପୋର୍ଟ): ଦୁନିଆର ୧ ନମ୍ବର ସ୍ଥାନରେ ଥିବା ମହିଳା ୧୦ ମିଟର ଏୟାର ରାଇଫଲ ସୁଟର ଅପୂର୍ବା ଚନ୍ଦେଲା ଏବଂ ତାଙ୍କର ଯୋଡିଦାର ଦୀପକ କୁମାର ଆଇଏସଏସଏଫ୍ ବିଶ୍ୱ କପରେ ମିଶ୍ରିତ ଟିମ୍ ଟୁର୍ଣ୍ଣାମେଣ୍ଟରେ ସ୍ୱର୍ଣ୍ଣ ପଦକ ଜିତିଛନ୍ତି । ଏ ବର୍ଷ ସମସ୍ତ ୪ଟି ବିଶ୍ୱ କପ୍ ଚରଣରେ ଶିର୍ଷରେ ରହିବାର ସମ୍ଭାବନା ରହିଛି । ଏଥିରେ ଏକ ଜୁନିଅର ବିଶ୍ୱ କପ୍ ମଧ୍ୟ ସାମିଲ ରହିଛି । ଅପୂର୍ବି ଏବଂ ଦିପକ ଏକତରଫା ଫାଇନାଲରେ ଚୀନର ୟାଙ୍ଗ କିୟାନ ଏବଂ ୟୁ ହାଓଆନଙ୍କୁ ୧୬-୬ରେ ପରାସ୍ତ କରିଛନ୍ତି ।
ଏହି ଟୁର୍ଣ୍ଣାମେଣ୍ଟର ପୁର୍ବରୁ ଦୁିଇଟି ବିଶ୍ୱ କପରେ ସ୍ୱର୍ଣ୍ଣ ଜିତିଥିବା ଭାରତର ଦୁଇଟି ଟିମ୍ ଅଞ୍ଜୁମ୍ ମେଦଗିଲ୍ ଏବଂ ଦିବ୍ୟାଂଶୁ ସିଂହ ପୱାରଙ୍କ ଯୋଡି ହଙ୍ଗେରିର ଏଷ୍ଟର ମେସଜାରୋସ ଏବଂ ପିଟର ସିଡିଙ୍କୁ ୧୬-୧୦ରେ ହରାଇ ବ୍ରୋଞ୍ଜ ପଦକ ଜିତିଛନ୍ତି । କ୍ୱାଲିଫାଇର ବାଧା ପାର କରି ଅପୂର୍ବା ଏବଂ ଦୀପକଙ୍କ ଯୋଡି ୮ ସୁଟରଙ୍କ ଦ୍ୱିତୀୟ ପର୍ଯ୍ୟାୟରେ ୨୦ ବ୍ୟକ୍ତିଗତ ସର୍ଟ ପରେ ୪୧୯.୧ ଅଙ୍କ ସହିତ ଶୀର୍ଷ ସ୍ଥାନରେ ରହି ଫାଇନାଲରେ ପହଞ୍ଚିଛନ୍ତି । ଅଞ୍ଜୁମ୍ ଏବଂ ଦିବ୍ୟାଂସୁଙ୍କ ଯୋଡି ୪୧୮.୦ ସହିତ ଚତୁର୍ଥ ସ୍ଥାନରେ ରହିଥିଲେ ଏବଂ ବ୍ରୋଞ୍ଜ ପଦକ ପାଇଁ କ୍ୱାଲିଫାଇ କରିବାରେ ସଫଳ ରହିଥିଲେ ।
