୫୦ ମିଟର ଫ୍ରିଷ୍ଟାଇଲରେ ଗୋଲ୍ଡ ଜିତିଲେ ବିରଧବଲ

(ଓଡିଶା ସ୍ପୋର୍ଟସ): ବିରଧବଲ ଖାଡେ ୧୦ତମ ଏସିଆ ଏଜ୍ ଗ୍ରୁପ୍ ଚମ୍ପିଆନସିପ୍ ରେ ବୁଧବାର ଦିନ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି, କିନ୍ତୁ ସେ ପୁରୁଷ ୫୦ ମିଟର ଫ୍ରୀଷ୍ଟାଇଲରେ ଅଲମ୍ପିକ୍ ‘ଏ’ କ୍ୱାଲିଫ୍କେଶନ ମାର୍କ ହାସଲ କରିପାରି ନାହାଁନ୍ତି । ସେ ୨୨.୫୯ର ସମୟ ନେଇ ଉଜବେକିସ୍ତାନର ଖୁର୍ଶିଦଜାନ ତୁରସୁନୋଭ(୨୨.୯୨ ସେକେଣ୍ଡ) ଏବଂ ଇରାନର ଘାରେହସାନଲୁ ବେନୟାମିନି(୨୩.୨୩ ସେକେଣ୍ଡ)ଙ୍କ ଠାରୁ ଆଗରେ ରହିଥିଲେ । ଏସିଆ ଖେଳ ୨୦୧୦ରେ ବ୍ରୋଞ୍ଜ ପଦକ ବିଜେତା ଖାଡେ ଏହା ପରେ ମଧ୍ୟ ଅଲମ୍ପିକ୍ ‘ଏ’ କ୍ୱାଲିଫକେସନ ମାର୍କ ହାସଲ କରିବାରେ ଅସଫଳ ରହିଛନ୍ତ, ଯାହା ଅଲମ୍ପିକ୍ ପାଇଁ ୨୨.୦୧ ସେକେଣ୍ଡ ରହିଥିଲା । ଏହି ମାସର ପ୍ରାରମ୍ଭରେ ଖାଡେ ରାଷ୍ଟ୍ରିୟ ଚମ୍ପିଆନସିପର ଏହି ବିଭାଗରେ ୨୨-୪୪ ସେକେଣ୍ଡ୍ ସମୟ ନେଇଥିଲେ । ଏହା ମଧ୍ୟରେ ସଜନ ପ୍ରକାଶ ପୁରୁଷ ୧୦୦ ମିଟର ବଟରଫ୍ଲାଇରେ ୫୪.୪୨ ସେକେଣ୍ଡ୍ ସହିତ ନିଜର ଦ୍ୱିତୀୟ ରୌପ୍ୟ ପଦକ ହାସଲ କରିଥିଲେ । ଥାଇଲାଣ୍ଡର ୱାଙ୍ଗଜରନ ନଭାପଟ(୫୪.୦୬)ରେ ସ୍ୱର୍ଣ୍ଣ ଏବଂ କୁୱାଟି ମହାହ କ୍ୱାଲି ଅବ୍ୱାସ(୫୫.୧୦) ବ୍ରୋଞ୍ଜ ହାସଲ କରିଥିଲେ । କୁସାଗ୍ର ରାୱତ ୧୫୦୦ ମିଟରରେ ୧୫ ମିନିଟ୍ ୪୧.୫୪ ସେକେଣ୍ଡ ସହିତ ଅତି ସହଜରେ ନିଜର ତୃଁତୀୟ ସ୍ୱର୍ଣ୍ଣ ପଦକ ହାସଲ କରିଛନ୍ତି । ଚୀନର ଚାଙ୍ଗ ଚେଙ୍ଗ ଲି ୱେଇ ଦ୍ୱିତୀୟ ଏବଂ ଥାଇଲାଣ୍ଡର କିଟିୟା ତନାକୃତ ତୃତୀୟ ସ୍ଥାନରେ ରହିଛନ୍ତି । ଲିଖିତ ଲେଖରାଜ ୫୦ ମିଟର ବ୍ରେଷ୍ଟଷ୍ଟ୍ରୋକ୍ ରେ ବ୍ରୋଞ୍ଜ ଜିତିଛନ୍ତି, ସୋଆନ ଗାଙ୍ଗୁଲି ବାଳକ ୪୦୦ ମିଟର ଫ୍ରିଷ୍ଟାଇଲରେ ରୌପ୍ୟ ପଦକ ହାସଲ କରିଛନ୍ତି ।