ଫାଇନାଲରେ ନାଦାଲ

(ଓଡିଶା ସ୍ପୋର୍ଟ): ପୁରୁଷ ଏକକରେ ଦ୍ବିତୀୟ ମାନ୍ୟତା ସ୍ପେନ୍ ତାରକା ରାଫେଲ୍ ନାଦାଲ ଚତୁର୍ଥ ଥର ଲାଗି ଫାଇନାଲ୍ରେ ପ୍ରବେଶ କରିଛନ୍ତି। ଗୁରୁବାର ପ୍ରଥମ ସେମିଫାଇନାଲ୍ ୨୦୦୯ ବିଜେତା ନାଦାଲ ସିଧାସଳଖ ୬-୨, ୬-୪, ୬-୦ ସେଟ୍ରେ ଚତୁର୍ଦଶ ମାନ୍ୟତା ଗ୍ରିସ୍ର ଷ୍ଟିଫାନୋସ ସିସିପାସ୍ଙ୍କୁ ପରାସ୍ତ କରି ଅଷ୍ଟାଦଶ ଗ୍ରାଣ୍ଡ୍ ସ୍ଲାମ୍ ଟ୍ରଫି ହାସଲର ନିକଟତର ହୋଇଛନ୍ତି। ପ୍ରଥମ ଥର ଲାଗି ଏଠାରେ ସେମିଫାଇନାଲ୍ ଖେଳିଥିବା ୨୦ ବର୍ଷୀୟ ସିସିପାସ୍ ପ୍ରି-କ୍ବାର୍ଟର୍ ଫାଇନାଲ୍ ସ୍ବିଜରଲାଣ୍ଡର ରୋଜର ଫେଡେରର୍ଙ୍କୁ ହରାଇ ବିଦାୟ ରାସ୍ତା ଦେଖାଇଥିଲେ। ହେଲେ ନାଦାଲଙ୍କ ବିପକ୍ଷରେ ସେହି ସଫଳତା ହାତେଇବାରେ ସମର୍ଥ ହୋଇନଥିଲେ। ନାଦାଲ୍ ଟ୍ରଫି ଲାଗି ଫାଇନାଲ୍ରେ ଶୀର୍ଷ ମାନ୍ୟତା ସର୍ବିଆର ନୋଭାକ ଜୋକୋଭିକ ଓ ୨୮ ମାନ୍ୟତା ଫ୍ରାନ୍ସର ଲୁକାସ ପୌଲିଙ୍କ ମଧ୍ୟରେ ହେବାକୁଥିବା ଶୁକ୍ରବାର ଦ୍ବିତୀୟ ସେମିଫାଇନାଲ୍ର ବିଜେତାଙ୍କୁ ଭେଟିବେ। ଫାଇନାଲ ମ୍ୟାଚ୍ ରବିବାର ଖେଳାଯିବ।