(ଓଡ଼ିଶା ସ୍ପୋର୍ଟସ / ଶୁଭସ୍ମିତା ଦାଶ ) : ଓଡ଼ିଶା ପାଇଁ ଗର୍ବ ଆଣିଛନ୍ତି ଦୂତୀ ଚାନ୍ଦ । ପୁଣି ଥରେ ନିଜ କ୍ରୀଡ଼ାର ପ୍ରତିଭା ଦେଖାଇ ଦେଶ ପାଇଁ ଆଣିଛନ୍ତି ସ୍ୱର୍ଣ୍ଣ ପଦକ । ୱାଲର୍ଡ଼ ୟୁନିଭର୍ସିଟି ଗେମସ୍ , ନେପ୍ଲେସରୁ ସ୍ୱର୍ଣ୍ଣ ଜିତି ଭାରତ ଫେରିଛନ୍ତି ଧାବିକା ଦୂତି ଚାନ୍ଦ । ଭାରତର ପ୍ରଥମ ଧାବିକା ଭାବେ ଦୂତୀ ଏକ ରେକର୍ଡ଼ ନିଜ ନାଁରେ କରି ରାଜ୍ୟ ତଥା ଦେଶ ପାଇଁ ଗର୍ବ ଆଣିଦେଇଛନ୍ତି । ଆଉ କିଛି ସମୟ ପରେ ସେ ଭୁବନେଶ୍ୱର ସ୍ଥିତ ବିମାନ ବନ୍ଦରରେ ପହଞ୍ଚିବେ । ବାହାରେ ତାଙ୍କର ପ୍ରଶଂସକ ମାନେ ଅପେକ୍ଷା କରିଛନ୍ତି ।
୧୦୦ ମିଟର ସ୍ପିନ୍ଟକୁ କେବଳ ୧୧.୩୨ ସେକେଣ୍ଡରେ ଜିତିଛନ୍ତି ଦୂତୀ। ନିଜ ବ୍ୟକ୍ତିଗତ ଜୀବନର ଝଡକୁ ଦୂରରେ ରଖି ଭାରତ ପାଇଁ ଆଣିଛନ୍ତି ରେକର୍ଡ ଯେଉଁଥିପାଇଁ ଚାରିଆଡ଼ୁ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଏପରିକି ରାଷ୍ଟ୍ରପତି ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ମଧ୍ୟ ଏହା ସଫଳତା ପାଇଁ ତାଙ୍କୁ ଶୁଭେଚ୍ଛା ଜଣାଇଛନ୍ତି।
