ନୂଆଦିଲ୍ଲୀ: ଲର୍ଡ୍ସ ଟେଷ୍ଟରେ ଏକ ବୃହତ ବିଜୟ ପରେ ଇଂଲଣ୍ଡ ଖେଳାଳୀଙ୍କ ସମେତ ସେଠାକାର ଗଣମାଧ୍ୟମ ମଧ୍ୟ ଚିନ୍ତାରେ ପଡିଛନ୍ତି । ଦ୍ୱିତୀୟ ଟେଷ୍ଟର ପଞ୍ଚମ ଦିନରେ ବାଜି ଓଲଟାଇ ମ୍ୟାଚ ଜିତି ନେଇଥିଲା ଭାରତ । ତେବେ ମ୍ୟାଚ ପରେ ଏହି ମ୍ୟାଚକୁ ନେଇ ବିଭିନ୍ନ ଘଟଣା ଏବେ ସାମନାକୁ ଆସୁଛି । ଏହା ଭିତରେ ଦୁଇ ଦଳର ପ୍ରମୁକ ଦ୍ରୁତ ବୋଲରଙ୍କୁ ନେଇ ଆସିଛି ଏକ ରୋମାଞ୍ଚକର ଘଟଣା । ଯାହା ଏବେ ସୋଶିଆଲ୍ ମିଡିଆରେ ଖୁବ ଚର୍ଚ୍ଚାରେ ରହିଛି ।
ଘଟଣାଟି ଭାରତୀୟ ବୋଲର ଜଶପ୍ରୀତ ବୁମରାହ ଏବଂ ଇଂଲଣ୍ଡର ଜେମ୍ସ ଆଣ୍ଡରସନଙ୍କ ମଧ୍ୟରେ । ଦ୍ୱିତୀୟ ମ୍ୟାଚର ପ୍ରଥମ ପାଳିରେ ଜେମ୍ସ ଆଣ୍ଡରସନ କ୍ରିଜରେ ଥିବା ବେଳେ ବୁମରାହ ନିଜ ବୋଲିଂରେ ତାଙ୍କୁ ଖୁବ ହଇରାଣ କରିଥିଲେ । ବାରମ୍ବାର ବାଉନ୍ସର ପକାଇ ତାଙ୍କୁ ଚିନ୍ତାରେ ପକାଇଦେଇଥିଲେ । ତେବେ ଏହି ବାଉନ୍ସରରୁ କିଛି ବଲ ଆଣ୍ଡରସନଙ୍କ ଦେହରେ ବାଜିଥିଲା । ଏବଂ ଶେଷରେ ସେ ଆଉଟ ମଧ୍ୟ ହୋଇଯାଇଥିଲେ । ଏ ଭିତରେ ବୁମରାହ ଏବଂ ଆଣ୍ଡରସନଙ୍କ ମଧ୍ୟରେ କିଛି କଥାବାର୍ତ୍ତା ହୋଇଥିବାର ଦେଖିବାକୁ ମିଳିଥିଲା । ହେଲେ ସେମାନେ କଣ କଥା ହୋଇଥିଲେ ତାହା ଜଣା ପଡିନଥିଲା । ତେବେ ଏ ଘଟଣାରୁ ପରଦା ଉଠାଇଛନ୍ତି ଅଲରାଉଣ୍ଡର ଅଶ୍ୱୀନ ।ଅଶ୍ବିନୀଙ୍କ ଏକ ଭିଡିଓ ଅନୁସାରେ ଆଣ୍ଡରସନ୍ ବୁମରାଙ୍କ ଉପରେ ବେଇମାନ ବୋଲି ଅଭିଯୋଗ ଆଣିଥିଲେ । ଏକ ଭିଡିଓରେ ଖୁଲାସା ହୋଇଛି ଯେ, ଆଣ୍ଡରସନ ବୁମରାଙ୍କ ଉପରେ ରାଗିଥିଲେ କାରଣ ସେ ବ୍ୟାଟ୍ସମ୍ୟାନଙ୍କୁ ଧିମା ବଲ୍ ଫିଙ୍ଗୁଥିଲେ ଏବଂ ତାଙ୍କୁ ଦ୍ରୁତ ବଲ୍ ପକାଉଥିଲେ। ଆଣ୍ଡରସନ୍ ବୁମରାଙ୍କୁ କହିଥିଲେ, ‘ତୁମେ ଅନ୍ୟମାନଙ୍କୁ ୮୦-୮୫ ମାଇଲ୍ ବେଗରେ ବୋଲିଂ କରୁଛ କିନ୍ତୁ ମୋତେ ୯୦ ମାଇଲ୍ ବେଗରେ ବଲ ଫିଙ୍ଗୁଛ, ଏହା ବେଇମାନୀ।’ କିନ୍ତୁ ଡ୍ରେସିଂ ରୁମ୍ରୁ ଫେରୁଥିବା ବେଳେ ସେ ଜାଣିଶୁଣି ଦ୍ରୁତ ବାଉନ୍ସର ଫିଙ୍ଗୁନାହାନ୍ତି ବୁମରା ଆଣ୍ଡରସନଙ୍କୁ କହିଥିଲେ।
ବୁମରାହ ଆଣ୍ଡରସନଙ୍କ ଭିତରେ ବାକଯୁଦ୍ଧ
