ଋିପୋର୍ଟର୍ସ ଟୁଡେ: ପରବର୍ତ୍ତୀ ମାସରେ ଆଫଗାନିସ୍ତାନ ଏବଂ ପାକିସ୍ତାନ ମଧ୍ୟରେ ଖେଳାଯିବାକୁ ଥିବା ଦିନିକିଆ ସିରିଜକୁ ନେଇ ପୁଣି ଚର୍ଚ୍ଚା । ଏହି ସିରିଜକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସ୍ଥଗିତ ରହିଥିବା ଜଣାପଡିଛି । ପୂର୍ବରୁ ପାକିସ୍ତାନ କ୍ରିକେଟ ବୋର୍ଡ ଏବଂ ଆଫଗାନିସ୍ତାନର କ୍ରିକେଯ ବୋର୍ଡ ପରସ୍ପର ଆଲୋଚନା କରିବା ପରେ ସିରିଜ ଖେଳାଯିବା ନେଇ ନିଷ୍ପତ୍ତି ନିଆଯାଇଥିଲା । କିନ୍ତ୍ୁ ଏବେ ଏ ନେଇ ଆସିଛି କିଛି ଭିନ୍ନ ରିପୋର୍ଟ । ଆଫଗାନିସ୍ତାନ ଉପରେ ତାଲିବାନ ଜବରଦଖଲ କରିବା ପରେ ସେଠାକାର ପରିସ୍ଥିତି ଏବେ ଜଟିଳ ରହିଛି । ଯାହା ଫଳରେ ଶ୍ରୀଲଙ୍କା ଗସ୍ତ ପାଇଁ ମଧ୍ୟ ଅନେକ ଅସୁବିଧାର ସମ୍ମୁଖୀନ ହୋଇଥିଲେ ଆଫଗାନ ଖେଳାଳୀ । ଦେଶର ଏପରି ସ୍ଥିତିକୁ ନେଇ ମାନସିକ ଚାପରେ ରହୁଥିବାରୁ ମ୍ୟାଚ ଖେଳିବା ନେଇ କୁଣ୍ଠାବୋଧ କରିଥିଲେ । ତେଣୁ ଏହି ସିରିଜକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସ୍ଥଗିତ ରଖାଯାଇଛି । ତେବେ ଏହାପରେ ଆସନ୍ତା ଟି-୨୦ ବିଶ୍ୱକପରେ ଆଫଗାନିସ୍ତାନ ଖେଳିବ କି ନାହିଁ, ସେ ନେଇ ପ୍ରଶ୍ନ ଉଠିଛି ।
ହେବନି ପାକିସ୍ତାନ-ଆଫଗାନିସ୍ତାନ ସିରିଜ
