ନୂଆଦିଲ୍ଲୀ: ଆଜି ଭାରତ-ୱେଷ୍ଟ ଇଣ୍ଡିଜ୍ ମଧ୍ୟରେ ତୃତୀୟ ତଥା ଶେଷ ଦିନିକିଆ ମ୍ୟାଚ ଖେଳାଯିବ । ପ୍ରଥମ ଦୁଇଟି ମ୍ୟାଚ୍ ଜିତିଥିବାରୁ ମୂଳପୋଛ ବିଜୟ ଲକ୍ଷ୍ୟ ରଖିଛି । ଆଗୁଆ ସିରିଜ୍ କବଜା କରି ସାରିଥିବାରୁ ଭାରତ ଚୂଡାନ୍ତ ଏକାଦଶରେ ପରିବର୍ତନ କରିପାରେ । ଦ୍ୱିତୀୟ ଦିନିକିଆରେ ଋଷଭ ପନ୍ତଙ୍କୁ ଓପନ କରାଯାଇଥିଲା ବେଳେ ଆଜି ମଧ୍ୟ କିଛି ଅଦଳବଦଳ କରାଯାଇପାରେ ବୋଲି ସୂଚନା ରହିଛି । ଅନ୍ୟପଟେ ମହାମାରୀ କରୋନା ସଂକ୍ରମିତ ହୋଇ ପ୍ରଥମ ଦୁଇଟି ମ୍ୟାଚ୍ ଖେଳିନଥିବା ଶିଖର ଧାୱନ ଓ ଋତୁରାଜ ଗାଏକୱାଡ୍ ଏବେ ସୁସ୍ଥ ହୋଇଛନ୍ତି । ତେଣୁ ରୋହିତ ଶର୍ମା ଆଜି ନୂଆ ସାଥୀ ଓପନରଙ୍କ ସହ ମଇଦାନକୁ ଓହ୍ଲାଇପାରନ୍ତି । ୱେଷ୍ଟଇଣ୍ଡିଜ୍ ଦଳ ଦୁଇଟି ଦିନିକିଆ ହାରିଥିଲେ ମଧ୍ୟ ପ୍ରଭାବୀ ପ୍ରଦର୍ଶନ କରିବାରେ ସଫଳ ହୋଇଛି । ଆଜି କିରନ ପୋଲାର୍ଡ ଚୂଡାନ୍ତ ଏକାଦଶକୁ ଫେରିପାରନ୍ତି ।
