ପ୍ରାରମ୍ବରୁ ଚମତ୍କାର ପ୍ରଦର୍ଶନ କଲେ ଆକାଶ ଦୀପ୍ । ରାଞ୍ଚି ଟେଷ୍ଟରେ ବିପକ୍ଷଙ୍କୁ କାମୁଡାଇଦେଲେ । ଜବରଦସ୍ତ ବୋଲିଂରେ ଦେଖି ଭୟରେ ଭ୍ରମଣକାରୀ ଦଳ ପ୍ରଥମ ସ୍ପେଲ୍ରେ ୩ ଓ୍ବିକେଟ୍ । ଡେବ୍ୟୁ କ୍ୟାପ୍ ପରେ ମା’ଙ୍କ ଠାରୁ ଆଶୀର୍ବାଦ ନେଇ ପଡ଼ିଆକୁ ଓହ୍ଲାଇଥିଲେ ଯୁବ ପେସ୍ ବୋଲର ଆକାଶଦୀପ୍ ସିଂହ । ଆଉ ପ୍ରାରମ୍ଭରୁ ଜଲଓ୍ବା ଦେଖାଇ ଆରମ୍ଭ କରିଦେଇଥିଲେ ବିହାରୀ ବାବୁ। ଗୋଟିଏ ଓଭରରେ ୨ଟି ଓ୍ବିକେଟ୍ ଅକ୍ତିଆର କରି ଲଢେଇ ପାଇଁ ଭ୍ରମଣକାରୀ ଦଳକୁ ଗର୍ଜନ ଦେଇଥିଲେ । ନବମ ଓଭରର ଡକେଟଙ୍କୁ ସୁଇଙ୍ଗ ଜାଲରେ ଫଶାଇ ପ୍ରଥମ ଶିକାର କରିଥିଲେ । ପୁଣି ସେହି ଓଭରରେ ଓଲି ପୋପଙ୍କୁ ଗୋଲ୍ଡେନ ଡକ୍ରେ ଡ୍ରେସଂ ରୁମ୍ ପଠାଇ ଦେଇଥିଲେ ।ନବମ ଓଭରର ଦ୍ବିତୀୟ ବଲରେ ଡକେଟଙ୍କୁ ଓ୍ବିକେଟ୍ କିପରଙ୍କ ପାଖରେ କ୍ୟାଚ୍ ଆଉଟ୍ କରିବା ପରେ ଓଲି ପୋପଙ୍କୁ ଲେଗ୍ ବିଫୋର୍ ଓ୍ବିକେଟ୍ କରିଥିଲେ । ସେହିପରି ୧୧ତମ ଓଭରରେ ଜାକ୍ କ୍ରାଉଲିଙ୍କୁ କ୍ଲିନ୍ ବୋଲ୍ଡ କରି ଇଂଲଣ୍ଡର ଟପ୍ ଅର୍ଡରକୁ ଧ୍ବସ୍ତ କରିଦେଇଥିଲେ । ପ୍ରଥମ ମ୍ୟାଚରେ ଆକାଶଙ୍କ ଇନ୍ ସୁଇଙ୍ଗ୍ ଓ ଆଉଟ୍ ସୁଇଙ୍ଗ୍ରେ ଘାଇଲା ହୋଇଛି ବେନ୍ ଷ୍ଟୋକ୍ସଙ୍କ ଇଂଲିଶ୍ ବାହିନୀ । ବର୍ତ୍ତମାନ ସୁଦ୍ଧା ଆକାଶ ଦୀପ୍ ସିଂହ ୭ ଓଭର ବୋଲିଂ କରି ୩ ଓ୍ବିକେଟ୍ ଅକ୍ତିଆର୍ କରିଛନ୍ତି । ଏହା ପରେ ରବିଚନ୍ଦ୍ରନ ଅଶ୍ବିନ ଓ ରବିନ୍ଦ୍ର ଜାଡେଜା ସ୍ପିନରେ ଇଂଲଣ୍ଡ ଟିମକୁ ଘାଇଲା କରିଛନ୍ତି । ରବିଚନ୍ଦ୍ରନ ଅଶ୍ବିନ ଜନି ବେୟାରଷ୍ଟୋଙ୍କୁ ଏଲବିଡବ୍ଲୁ କରିଥିବା ବେଳେ ରବିନ୍ଦ୍ର ଜାଡେଜା ବେନ ଷ୍ଟୋକ୍ସଙ୍କୁ ଆଉଟ୍ କରିଛନ୍ତି । ଲଞ୍ଚ୍ ବ୍ରେକ୍ ସୁଦ୍ଧ ଇଂଲଣ୍ଡ ଦଳ ୫ ଓ୍ବିକେଟ୍ ହରାଇ ୧୧୨ ରନ ସଂଗ୍ରହ କରିଛି ।
