ମଙ୍ଗଳବାର ଭାରତ-ଶ୍ରୀଲଙ୍କା ମଧ୍ୟରେ ଖେଳାଯିବ ମ୍ୟାଚ୍ ।ଗତକାଲି ପାକିସ୍ତାନକୁ ୨୨୮ ରନର ବଡ଼ ବ୍ୟବଧାନରେ ହରାଇଛି ଭାରତ । ବିରାଟ କୋହଲି ଓ କେ.ଏଲ ରାହୁଲ ଶତକ ମାରିଥିଲେ । ଚମତ୍କାର ଇନିଂସ ଖେଳି ପଡୋଶୀ ପାକିସ୍ତାନ ସାମ୍ନାରେ ୩୫୭ ରନର ପାହାଡ଼ ଛିଡା କରିଥିଲେ । ବିଜୟ ଲକ୍ଷ୍ୟକୁ ପିଛା କରୁଥିବା ବାବର ବାହିନୀ କୁଲଦୀପ୍ ଯାଦବଙ୍କ ଘାତକ ବୋଲିଂର ଶିକାର ହୋଇଥିଲା । ଦଳ ସମସ୍ତ ଓ୍ବାକେଟ୍ ହରାଇ ମାତ୍ର ୧୨୮ ସଂଗ୍ରହ କରିବାରେ ସକ୍ଷମ ହୋଇଥିଲା । ଏହି ବୃହତ ବିଜୟ ସହିତ ଟିମ୍ ଇଣ୍ଡିଆ ସୁପର-୪ ଟେବୁଲ ଟପରେ ରହିଛି । ଆଜିର ମ୍ୟାଚ୍ ଜିତିଲେ ଭାରତର ସିଧା ସିଧା ଫାଇନାଲକୁ ଏଣ୍ଟ୍ରି ମାରିବ ।
ଏସିଆ କପ୍ ସୁପର-୪ ଷ୍ଟେଜରେ ଟିମ୍ ଇଣ୍ଡିଆର ବ୍ୟାକ୍ ଟୁ ବ୍ୟାକ୍ ଫାଇଟ୍ । ସୋମବାର ପାକିସ୍ତାନକୁ ଧୂଳି ଚଟାଇଥିବା ଟିମ୍ ଇଣ୍ଡିଆ ଆଜି ଲଙ୍କା ଟିମ୍କୁ ଚେକ୍ ଦେଇଥିବା ଲକ୍ଷ୍ୟରେ ରହିଛି । କଲମ୍ବୋର ପ୍ରେମଦାସା ଷ୍ଟାଡିୟମରେ ଦିନ ୩ଟାରେ ଖେଳାଯିବ ମ୍ୟାଚ୍ । ବିଜୟ ଧାରା ବଜାୟ ରଖିବା ସହିତ ଏସିଆ ଚାମ୍ପିଅନ ହେବାକୁ ସ୍ବତନ୍ତ୍ର ରଣନୀତି ପ୍ରସ୍ତୁତ କରିଛି ଟିମ୍ ଇଣ୍ଡିଆ । ସେପଟେ ଶ୍ରୀଲଙ୍କା ଦଳ ମଧ୍ୟ ଲଢେଇ ପାଇଁ ପୂରା ପ୍ରସ୍ତୁତ ହୋଇଛି ।
