Cricket

ବସ ଦୁର୍ଘଟଣାରୁ ଅଳ୍ପକେ ବର୍ତ୍ତିଗଲେ ଗାଙ୍ଗୁଲିଙ୍କ ଝିଅ

ଟିମ ଇଣ୍ଡିଆର ପୂର୍ବତନ କ୍ରିକେଟର ସୌରଭ ଗାଙ୍ଗୁଲିଙ୍କ ଝିଅ ସନା ଗାଙ୍ଗୁଲିଙ୍କ ଜୀବନ ଅଳ୍ପକେ ବର୍ତ୍ତିଯାଇଛି । କୋଲକାତା ସ୍ଥିତ ଡାୟମଣ୍ଡ ହାର୍ବର ରୋଡରେ ଏକ ବସ୍ ସନାଙ୍କ କାରକୁ ଧକ୍କା ଦେଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉକ୍ତ ବସ ଡ୍ରାଇଭରକୁ ଧରିବାରେ ସଫଳ ହୋଇଛି ।

ସୂଚନା ମୁତାବିକ ଶୁକ୍ରବାର ସନ୍ଧ୍ୟାରେ ଗାଙ୍ଗୁଲିଙ୍କ ଝିଅ କୈାଣସି ସ୍ଥାନକୁ ଯିବାବେଳେ କାର ର ଆଗ ସିଟରେ ବସି ଯାଉଥିଲେ । ହଠାତ ଏକ ବସ ସନାଙ୍କ କାରକୁ ଧକ୍କା ଦେଇଥିଲା । ଦୁର୍ଘଟଣା ସମୟରେ ସନା କାର୍ ଭିତରେ ରହିଥିଲେ । ସନା ସାମାନ୍ୟ ଆହତ ମଧ୍ୟ ହୋଇଛନ୍ତି । ସନାଙ୍କ କାରକୁ ଧକ୍କା ଦେଇ ଘଟଣାସ୍ଥଳରୁ ଫେରାର ହେବା ପାଇଁ ଚେଷ୍ଟା କରିଥିଲା ଡ୍ରାଇଭର । ଏହି ଅଘଟଣ ସୌରଭ ଗାଙ୍ଗୁଲିଙ୍କ ବାସଭବନ ଠାରୁ ଅଳ୍ପ ଦୂରରେ ହୋଇଥିଲା ।ଦୁର୍ଘଟଣା ପରେ ବସ୍ ଡ୍ରାଇଭର ଘଟଣା ସ୍ଥଳରୁ ଫେରାର ହେବାକୁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକ ଏବଂ ପୋଲିସ ପିଛା କରି ଧରିଛି । ଡ୍ରାଇଭରକୁ ଏବେ ପଚରାଉଚରା କରୁଛି ପୋଲିସ ।

ସେପଟେ ଏନେଇ ଗାଙ୍ଗୁଲି ପରିବାର ପକ୍ଷରୁ ଥାନାରେ ଅଭିଯୋଗ ପଞ୍ଜୀକୃତ ହୋଇଥିଲା। ତେବେ ଲଣ୍ଡନରେ ରହୁଥିବା ଏବଂ କାର୍ୟ୍ୟ କରୁଥିବା ସନା କୋଲକାତାରେ ପରିବାର ସହିତ ଛୁଟି କାଟୁଥିଲେ। ଶୁକ୍ରବାର ସନ୍ଧ୍ୟାରେ ସେ କିଛି ଆବଶ୍ୟକତା ପାଇଁ ବାହାରକୁ ଯାଇ ଫେରିବା ସମୟରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ ।

ଏହି ସମୟରେ, ହୀରାଖଣ୍ଡ ହାରବର୍ ରାସ୍ତାରେ ଦ୍ରୁତ ଗତିରେ ଗାଡି ଚଳାଉଥିବାର ଅନେକ ଅଭିଯୋଗ ଆସିଛିଜ୍ଝ ଅନେକ ନିଷେଧାଦେଶ ସତ୍ତ୍ୱେ ଦୁର୍ଘଟନାରେ ରୋକ ଲଗାଯାଇପାରୁନି । ବାରମ୍ବାର ଦୁର୍ଘଟଣାକୁ ନେଇ ସ୍ଥାନୀୟ ଲୋକମାନେ ଅନେକ ଥର ବିରୋଧ କରିଥିଲେ ମଧ୍ୟ ପ୍ରଶାସନ ଏପର୍ୟ୍ୟନ୍ତ କାର୍ୟ୍ୟାନୁଷ୍ଠାନ ଗ୍ରହଣ କରିନାହାଁନ୍ତି।

 

Related posts

ଆଇସିସି ପ୍ରମୋରେ ନଜର ଆସିଲେ ଓଡ଼ିଆ ପୁଅ ପିଣ୍ଟୁ

Odisha Sports Bureau

ଆଜିର ଦିନରେ ଡେବ୍ୟୁ କରିଥିଲେ ବିରାଟ,ଆନ୍ତର୍ଜାତୀୟ କ୍ରିକେଟରେ କୋହଲିଙ୍କ ୧୫ ବର୍ଷ

Odisha Sports Bureau

ପ୍ରକାଶ ପାଇଲା ଦିନିକିଆ ବ୍ୟାଟିଂ ମାନ୍ୟତା , ଚତୁର୍ଥରେ ଶୁଭମାନ ଗିଲ

Odisha Sports Bureau