ହଂକଂ ସିକ୍ସ ୨୦୨୫ରେ ଭାରତୀୟ ଦଳ ପାକିସ୍ତାନକୁ ପରାସ୍ତ କରିଛି। ବର୍ଷା ପ୍ରଭାବିତ ପୁଲ୍ ସି ମ୍ୟାଚ୍ରେ ଦିନେଶ କାର୍ତ୍ତିକଙ୍କ ନେତୃତ୍ୱାଧୀନ ଭାରତୀୟ ଦଳ ଡକୱର୍ଥ-ଲୁଇସ୍ ପଦ୍ଧତି ଅନୁଯାୟୀ ପାକିସ୍ତାନକୁ ୨ ରନ୍ର ସୀମିତ ବ୍ୟବଧାନରେ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ଭାରତ ନିର୍ଦ୍ଧାରିତ ୬ ଓଭରରେ ୪ ୱିକେଟ୍ ହରାଇ ୮୬ ରନ୍ କରିଥିଲା। ଜବାବରେ ପାକିସ୍ତାନ ତିନି ଓଭରରେ ୪୧ ରନ୍ କରିଥିଲା କିନ୍ତୁ ଲଗାତାର ବର୍ଷା ଯୋଗୁଁ ଅମ୍ପାୟାର ଡକୱର୍ଥ-ଲୁଇସ୍ ପଦ୍ଧତି ଅବଲମ୍ବନ କରି ଭାରତକୁ ୨ ରନ୍ରେ ବିଜୟୀ ଘୋଷଣା କରିଥିଲେ।
