ଲଣ୍ଡନ:- କେନିଙ୍ଗଟନ ଓଭାଲ ଟେଷ୍ଟରେ ଭାରତ ନିଜର ପ୍ରଥମ ଇନିଂସରେ ୨୨୪ ରନରେ ଅଲଆଉଟ ହୋଇଯାଇଛି । ଗସ୍ ଅଟକିନସନ ଓ ଜୋସ୍ ଟଙ୍ଗଙ୍କ ଘାତକ ବୋଲିଂ ଆଗରେ ଭାରତୀୟ ଖେଳାଳି ଧରାଶାୟୀ ହୋଇଛନ୍ତି । ଇଂଲଣ୍ଡ ବିପକ୍ଷ ଓଭାଲ୍ ଟେଷ୍ଟରେ, ଭାରତୀୟ ଦଳ ପ୍ରଥମ ଇନିଂସ୍ରେ ମାତ୍ର ୨୨୪ ରନ୍ କରିଛି ।
ଦ୍ୱିତୀୟ ଦିନରେ, ଟିମ୍ ଇଣ୍ଡିଆ ମାତ୍ର ୨୮ ମିନିଟ୍ ରେ ୧୮ ବଲ୍ ରେ ହାର ମାନିଥିଲା । ପ୍ରଥମ ଦିନରେ ୨୦୪ ରନ୍ରେ ୬ଟି ୱିକେଟ୍ ହରାଇବା ପରେ ଦ୍ୱିତୀୟ ଦିନରେ ୩୦୦ ରନ୍ରେ ପହଞ୍ଚିବାର ଚ୍ୟାଲେଞ୍ଜ ଟିମ୍ ଇଣ୍ଡିଆ ପାଖରେ ଥିଲା କିନ୍ତୁ ଏହା ସମ୍ଭବ ହୋଇପାରିଲା ନାହିଁ । ଦ୍ରୁତ ବୋଲର ଗସ୍ ଆଟକିନସନ୍ ଏବଂ ଜୋଶ୍ ଟଙ୍ଗ୍ ମିଳିତ ଭାବରେ ମାତ୍ର ୩୪ ବଲ୍ ବୋଲିଂ କରିଥିଲେ । ଫଳରେ ଭାରତୀୟ ଟିମ୍ ର ଚାରିଟି ୱିକେଟ୍ ର ପତନ ଘଟିଥିଲା । ପ୍ରଥମ ଦିନରେ ଅର୍ଦ୍ଧଶତକ ହାସଲ କରିଥିବା କରୁଣ ନାୟାରଙ୍କଠାରୁ ଏକ ବଡ଼ ଇନିଂସ୍ ଆଶା କରିଥିଲେ ପ୍ରଶଂସକ କିନ୍ତୁ ସେ ନିଜ ସ୍କୋର୍ରେ କେବଳ ପାଞ୍ଚ ରନ୍ ଯୋଡ଼ିବାରେ ସକ୍ଷମ ହୋଇଥିଲେ । କରୁଣ ନାୟାର ମାତ୍ର ୫୭ ରନ୍ କରି ପ୍ରଥମ ବ୍ୟାଟ୍ସମ୍ୟାନ୍ ଭାବରେ ଆଉଟ୍ ହୋଇଥିଲେ । ଦ୍ୱିତୀୟ ଦିନ ଖେଳରେ ଟିମ୍ ଇଣ୍ଡିଆ ମାତ୍ର ୩୦ ମିନିଟ୍ ପାଇଁ ମଧ୍ୟ ଷ୍ଟାଡିୟମ କ୍ରିଜରେ ତ୍ରିଷ୍ଟି ପାରି ନଥିଲା । ଖେଳ ଆରମ୍ଭ ହେବାର ୨୮ ମିନିଟ୍ ମଧ୍ୟରେ ବଳକା ଚାରୋଟି ୱିକେଟ୍ ପତନ ହୋଇଥିଲା ।
