ରାଞ୍ଚି: ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟି-୨୦ ମ୍ୟାଚରେ ଜିତି ସିରିଜ ହାତେଇଛି ଟିମ ଇଣ୍ଡିଆ । ରାଞ୍ଚିରେ ଖେଳାଯାଇଥିବା ଏହି ମ୍ୟାଚରେ ସହଜ ବିଜୟ ସହିତ ଟି-୨୦ ବିଶ୍ୱକପର ମଧୁର ପ୍ରତିଶୋଧ ନେଇଛି ମେନ ଇନ ବ୍ଲୁ । ତେବେ ସିରିଜର ପ୍ରଥମ ଦୁଇଟି ମ୍ୟାଚରେ ନ୍ୟୁଜିଲାଣ୍ଡ ବରାଜୟର ସାମନା କରିଛି । ଏହାପରେ ମଧ୍ୟ ଦଳର ଓପନର ମାର୍ଟିନ ଗପ୍ତିଲ ଏକ ମହାନ ରେକର୍ଡ ସ୍ଥାପନ କରିଛନ୍ତି । ଏଥିସହ ରେକର୍ଡର ଅଧିକାରୀ ତଥା ଭାରତର ଷ୍ଟାର ଖେଳାଳୀ ବିରାଟ କୋହଲୀଙ୍କୁ ସେ ପଛରେ ପକାଇ ଦେଇଛନ୍ତି ।
A strong opening stand comes to an end at 48/1. Martin Guptill goes for 31 from 15 balls. The innings saw him overtake Virat Kohli as the highest run scorer in Men's T20I cricket. Mark Chapman joins Daryl Mitchell 16* in the 5th. LIVE scoring | https://t.co/GxGlAHWia2 #INDvNZ pic.twitter.com/VFrXusm71q
— BLACKCAPS (@BLACKCAPS) November 19, 2021
ଟି-୨୦ ଫର୍ମାଟରେ ସର୍ବାଧିକ ରନ କରିବାରେ ସେ ଏକ ପ୍ରଥମ ବ୍ୟାଟ୍ସମ୍ୟାନ ଭାବେ ରେକର୍ଡ ସୃଷ୍ଟି କରିଛନ୍ତି । ମ୍ୟାଚ ପୂର୍ବରୁ ଗପ୍ତିଲ କୋହଲୀଙ୍କ ଠାରୁ ମାତ୍ର ୧୧ ରନ ପଛରେ ରହିଥିଲେ । ତେବେ ଭାରତ ବିପକ୍ଷ ଦ୍ୱିତୀୟ ଟି-୨୦ ମ୍ୟାଚରେ ସେ ଏହି ରେକର୍ଡକୁ ନିଜ ନାମରେ କରିଛନ୍ତି । ଦ୍ୱିତୀୟ ମ୍ୟାଚରେ ୩୧ ରନ ଦମଦାର ଇନିଂସ ଖେଳି ସେ ଏହି ଆବଶ୍ୟକତା ପୂରଣ କରିଥିଲେ । କୋହଲୀ ୮୭ଟି ଟି-୨୦ ମ୍ୟାଚ ଖେଳି ୩,୨୨୭ ରନ ସଂଗ୍ରହ କରିତିବା ବେଳେ ଗପ୍ତିଲ ଗତକାଲି ନିଜର ୧୦୭ତମ ମ୍ୟାଚରେ ଏହି ଲାଇନ ଅତିକ୍ରମ କରିଛନ୍ତି । ତେବେ ଯଦି ହାରାହାରି କଥା କହିବା ତାହାଲେ ବିରାଟ କୋହଲି ମାର୍ଟିନ ଗପ୍ଟିଲଙ୍କଠାରୁ ବହୁତ ଆଗରେ ରହିଛନ୍ତି । ବିରାଟଙ୍କ ଆଭେରେଜ ୫୨.୦୪ ରହିଥିବାବେଳେ ମାର୍ଟିନ ଗପ୍ଟିଲଙ୍କ ଆଭରେଜ ରହିଛି ୩୨.୪୯ ।
ଦକ୍ଷିଣ ଆଫ୍ରିକାରେ ହେବାକୁ ଥିବା ଟି-୨୦ ସିରିଜରେ ବିରାଟ କୋହଲିଙ୍କ ପାଖରେ ସୁଯୋଗ ରହିବ ପୁଣି ଥରେ ନମ୍ବର-୧ ହେବାର । ସେହିପରି ଲିଷ୍ଟର ତୃତୀୟ ସ୍ଥାନରେ ରହିଛନ୍ତି ଭାରତର ଟି-୨୦ ଦଳର ଅଧିନାୟକ ରୋହିତ ଶର୍ମା । ରୋହିତ ୧୦୯ ଇନିଂସରେ ୩ ହଜାର ୮୬ ରନ ସଂଗ୍ରହ କରିଛନ୍ତି ।
