ଚଳିତ ଆଇପିଏଲରେ ରିଙ୍କୁ ସିଂ ଗୁଜୁରାଟ ଟାଇଟନ୍ସ ବିପକ୍ଷରେ ଖେଳିଥିବ ମ୍ୟାଚରେ ଶେଷ ଓଭରରେ ୫ଟି ବଲରେ ୫ଟି ଛକାମାରି ଇତିହାସ ରଚିଛନ୍ତି । ରିଙ୍କୁ ସିଂଙ୍କୁ ଏହିଜାଗାରେ ପହଞ୍ଚିବାକୁ ବହୁ ସଂର୍ଘଷ କରିବାକୁ ପଡିଛି । ତାଙ୍କର ରହିଥିଲା ମାତ୍ର ଦୁଇ ବଖରା ଘର । ରିଂକୁଙ୍କ ବାପା ସିଲିଣ୍ଡର ବାଣ୍ଟିବା କାମ କରୁଥିଲେ । ତାଙ୍କ ପରିବାର ଆର୍ଥିକ ସ୍ଥିତି ସେତେଟା ମଜବୁତ ନଥିଲା । ପରିବାରକୁ ଆର୍ଥିକ ସାହାଯ୍ୟ କରିବା ପାଇଁ ରିଂକୁ ସଫାସୁତରା କାମ କରୁଥିଲେ । ପରେ ସେ ସବୁକିଛି ଛାଡ଼ି ନିଜ ଖେଳରେ ଧ୍ୟାନ ଦେଇଥିଲେ । ରିଂକୁ ପ୍ରଥମେ ୟୁପିର ଅଣ୍ଡର ୧୬, ଅଣ୍ଡର ୧୯ ଓ ଅଣ୍ଡର ୨୩ରେ ଖେଳିଥିଲେ । ପରେ ସେଣ୍ଟ୍ରାଲ ଜୋନରେ ଖେଳି ରଣଜିରେ ସ୍ଥାନ ପାଇଥିଲେ । ୨୦୧୭ରେ ରିଂକୁଙ୍କୁ ଆଇପିଏଲର ନିଲାମିରେ କିଣା ଯାଇଥିଲା । ୨୦୧୮ରୁ କେକେଆର ତରଫରୁ ରିଂକୁ ଖେଳୁଛନ୍ତି । କହିବାକୁ ଗଲେ ରିଙ୍କୁ ହେଉଛନ୍ତି ପଡ଼ିଆ ଭିତରେ ହିରେ ଓ ପଡ଼ିଆ ବାହାରେ ହିରେ । ଚଳିତ ଆଇପିଏଲ ମ୍ୟାଚରେ ଶେଷ ଓଭରରେ ୫ଟି ବଲରେ ୫ଟି ଛକାମାରି ଇତିହାସ ରଚିଛନ୍ତି ରିଙ୍କୁ ।
କେବଳ କ୍ରିକେଟ ନୁହେଁ ବ୍ୟାକ୍ତିଗତ ଜୀବନରେ ସେ ଜଣେ ହିରୋ । ଗରିବ ଘରୁ ଆସି ଏତେ ବଡ ମଞ୍ଚରେ ପହଞ୍ଚିବା କେତେ କଷ୍ଟ ତାଙ୍କଠାରୁ ଭଲ କେହି କହିପାରିବେ ନାହିଁ । ସେଥିପାଇଁ ସେ ଗରିବ ପିଲାଙ୍କ ପାଇଁ ସ୍ପୋର୍ଟ୍ସ ହଷ୍ଟେଲ ଖୋଲିବାକୁ ଯାଉଛନ୍ତି ।ଏହି ହଷ୍ଟେଲ ପାଇଁ ୫୦ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି । ମେ ସାସ ସୁଦ୍ଧା ଏହାର କାମ ସରିଯିବ ବୋଲି ସୂଚନା ମିଳିଛି ।ରିଙ୍କୁଙ୍କ କୋଚ ମାସୁଦୁଜ ଜାଫର ଆମିନ କହିଛନ୍ତି ‘ପିଲାବେଳୁ ରିଙ୍କୁଙ୍କ ସ୍ୱପ୍ନ ଥିଲା ସେ ଗରିବ ପିଲାଙ୍କ ପାଇଁ ସ୍ପୋର୍ଟ୍ସ ହଷ୍ଟେଲଲ ଟିଏ ତିଆରି କରିବେ । ଯେଉଁଠାରେ ପିଲାମାନେ ମାଗଣରେ କ୍ରିକେଟ ପ୍ରଶିକ୍ଷଣ ଦିଆଯିବ ।ଏବେ ତାଙ୍କର ଏହି ସ୍ୱପ୍ନ ପୂରା ହେବାକୁ ଯାଉଛି’ । ଉତ୍ତରପ୍ରଦେଶ ଅଲିଗଡଠାରେ ଏହି ହଷ୍ଟେଲ କାମ ୩ ମାସ ଆଗରୁ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା । ଏହି ହଷ୍ଟେଲରେ ୧୪ଟି କୋଠରୀ ରହିଛି ତା ସହ ଖେଳାଳୀଙ୍କ ସମସ୍ତ ସୁବିଧା ଯୋଗାଇ ଦେବାର ବ୍ୟବସ୍ଥା କରାଯାଇଛି ।
