ଆଇପିଏଲ ୨୦୨୪ ପୂର୍ବରୁ ଆହତ ହୋଇଛନ୍ତି ଶିବମ ଦୁବେ

ଆଇପିଏଲ ୨୦୨୪ ପାଇଁ ସମସ୍ତ ଦଳ ପ୍ରସ୍ତୁତି ଆରମ୍ଭ କରିଦେଇଛନ୍ତି । କାରଣ ଆସନ୍ତା ମାର୍ଚ୍ଚ ୨୨ ତାରିଖରେ ଆଇପିଏଲ ଖେଳାଜିବ ବୋଲି ଘୋଷଣା କରିଛନ୍ତି ଟୁର୍ଣ୍ଣାମେଣ୍ଟର ଅଧ୍ୟକ୍ଷ ଅରୁଣ ଧୁମାଲ । କିନ୍ତୁ ଏହା ପୂର୍ବରୁ ଚେନ୍ନାଇ ସୁପରକିଙ୍ଗସ ଟମକୁ ଲାଗିଛି ବଡ ଝଟକା । ଟିମର ଷ୍ଟାର ଖେଳାଳୀ ଶିବମ ଦୁବେ ଆହତ ଜନିତ ସମସ୍ୟା ପାଇଁ ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି ବୋଲି ଚର୍ଚ୍ଚା ହେଉଛି ।
ଏପଟେ ବର୍ତ୍ତମାନ ଭାରତରେ ଘରୋଇ କ୍ରିକେଟରେ ରଣଜୀ ଟ୍ରଫି ଖେଳାଯାଉଛି । ଏହା ଭାରତୀୟ କ୍ରିକେଟର ସବୁଠୁ ବଡ ଘରୋଇ ଟୁର୍ଣ୍ଣାମେଣ୍ଟ । ଏହି ଟୁର୍ଣ୍ଣାମେଣ୍ଟ ମଧ୍ୟରେ ଭାରତୀୟ ଟିମ ଏବଂ ମୁମ୍ବାଇର ଷ୍ଟାର ଅଲରାଉଣ୍ଡର ଶିବମ ଦୁବେ ଆହତ ହୋଇଛନ୍ତି । ସୂଚନା ଅନୁଯାୟୀ, ସାଇଡ ଷ୍ଟ୍ରେନ ଆହତ ପାଇଁ ଶିବମ ଦୁବେ ରଣଜୀ ଟ୍ରଫି ମ୍ୟାଚ ଅଧାରୁ ବାଦ ପଡିଛନ୍ତି । ତେବେ ଷ୍ଟାର ଅଲରାଉଣ୍ଡର ଶିବମ ଦୁବେ ନିକଟରେ ଭଲ ପ୍ରଦର୍ଶନ କରିଥିଲେ । ଦୁବେ ରଣଜୀ ଟ୍ରଫି ସିଜନର ୫ଟଇ ମ୍ୟାଚରେ ୬୭.୮୩ ପ୍ରତିଶତରେ ୪୦୭ ରନ କରିଥିଲେ । ଏଥିରେ ୨ଟି ଶତକ ଏବଂ ୨ଟି ଅର୍ଦ୍ଧଶତକ ରହିଛି । ଏହା ଛଡା ୧୨ ଟଇ ୱିକେଟ ମଧ୍ୟ ନେଇଛନ୍ତି । ଏହାପୂର୍ବରୁ ଆଫଗାନିସ୍ତାନ ବିପକ୍ଷ ଟି ୨୦ ସିରିଜରେ ଭଲ ପ୍ରଦର୍ଶନ କରି ପ୍ଲେୟାର ଅଫ ଦ ସିରିଜ ହୋଇଥିଲେ । ଶିବମ ଦୁବେ ଗତ ବର୍ଷ ଚେନ୍ନାଇ ଟିମରେ ଖେଳୁଥିଲେ । ସେଥର ଆଇପିଏଲ ଟାଇଟଲ ଜିତିଥିଲା ଚେନ୍ନାଇ ।