ତେଲୁଗୁ ଟାଇଟନ୍ସକୁ ହରାଇ ଶୀର୍ଷ ସ୍ଥାନରେ ପହଞ୍ଚିଲା ବଙ୍ଗଳା

(ଓଡିଶା ସ୍ପୋର୍ଟସ): ମନୀନ୍ଦର ସିଂହଙ୍କ ୧୭ ଅଙ୍କ ସାହାଯ୍ୟରେ ବଙ୍ଗଳା ୱାରିୟର୍ସ ପ୍ରୋ କବାଡି ଲିଗ୍ ୨୦୧୯(ପିକେଏଲ)ରେ ବୁଧବାର ଦିନ ତେଲୁଗୁ ଟାଇଟନ୍ସ୍କୁ ୪୦-୩୯ରେ ପରାସ୍ତ କରିଛି । ଏହି ବିଜୟ ସହିତ ବଙ୍ଗଳା ପିକେଏଲ ଅଙ୍କ ତାଲିକାରେ ଶୀର୍ଷ ସ୍ଥାନରେ ପହଞ୍ଚି ଯାଇଛି । ବଙ୍ଗଳାର ୧୯ ମ୍ୟାଚ୍ ମଧ୍ୟରୁ ୭୩ ଅଙ୍କ ସଂଗ୍ରହ କରିଥିବାବେଳେ ଦିଲ୍ଲୀ ଦବଙ୍ଗ୍ ଠାରୁ ଗୋଟିଏ ଅଙ୍କରେ ଆଗୁଆ ରହିଛି ।
ଦିଲ୍ଲୀ ୧୭ଟି ମ୍ୟାଚରେ ୭୨ ଅଙ୍କ କରିଛି । ସିଦ୍ଧାର୍ଥ ଦେସାଇ ଟାଇଟନ୍ସ ତରଫରୁ ୧୫ ଅଙ୍କ ସଂଗ୍ରହ କରିଛନ୍ତି, କିନ୍ତୁ ଏହି ପରାଜୟ ପରେ ତାଙ୍କ ଟିମର ପ୍ଲେଅଫ୍ ର ଆଶାକୁ ବଡ ଝଟକା ଲାଗିଛି । ଟାଇଟନ୍ସ୍ର ୧୭ ମ୍ୟାଚରେ ୩୪ ଅଙ୍କ ଅଟେ ଏବଂ ୧୨ ଟିମର ଲିଗରେ ୧୧ତମ ସ୍ଥାନରେ ରହିଛି । ସେହିପରି ଅନ୍ୟଏକ ମ୍ୟାଚରେ ଜୟପୁର ପିଙ୍କ ପେଥର୍ସ ପୁନେରି ପଲଟନକୁ ୪୩-୩୪ରେ ପରାସ୍ତ କରିଛି ।