କ୍ରିକେଟ ମ୍ୟାଚ ସମୟରେ ହେବନି ‘ତମାଖୁ’ ଏବଂ ‘ଗୁଟଖା’ର ବିଜ୍ଞାପନ

ନୂଆଦିଲ୍ଲୀ: ଭାରତରେ କ୍ରିକେଟ ମ୍ୟାଚ ସମୟରେ ଆଉ ଆସିବନି ଟିଭି ବିଜ୍ଞାପନ କି ଆଉ ଦେଖାଯିବନି ବିଜ୍ଞାପନ ହୋର୍ଡିଂ । ବହୁ କ୍ଷତିରେ ପଡିବ ବିସିସିଆଇ । ସ୍ୱାସ୍ଥ୍୍ୟ ମନ୍ତ୍ରଣାଳୟ ଏଥର ଏପରି କିଛି ନିଷ୍ପତ୍ତି ନେବାକୁ ଯାଉଛନ୍ତି । ସ୍ୱାସ୍ଥ୍ୟ ମନ୍ତ୍ରଣାଳୟ କ୍ରିକେଟ ମ୍ୟାଚ ସମୟରେ ଯେଉଁ ବିଜ୍ଞାପନ ହେଉଥିଲା ତାହା ବନ୍ଦ କରିବାକୁ ଯାଉଛି । ଯେଉଁଥିରେ ବଲିଉଡର ସେଲିବ୍ରିଟି ତଥା ପୂର୍ବତନ କ୍ରିକେଟରମାନେ ମଧ୍ୟ ପ୍ରୋତ୍ସାହିତ କରୁଥିବା ଦେଖିବାକୁ ମିଳିଛି । କ୍ରିକେଟ ମ୍ୟାଚ ସମୟରେ ତମାଖୁ ବିଜ୍ଞାପନକୁ ବ୍ୟାପକ ଭାବଣେ ପ୍ରୋତ୍ସାହିତ କରାଯାଇଛି । କିନ୍ତୁ ଏପରି ଶୋ ଅପ କରାଯିବ ନାହିଁ । ସ୍ୱାସ୍ଥ୍ୟ ମନ୍ତ୍ରଣାଳୟ ଷ୍ଟାଡିୟମରେ ରଖାଯାଇଥିବା ‘ ତମାଖୁ’ ଏବଂ ଗୁଟଖାର ହୋର୍ଡିଂ ଉପରେ ପ୍ରତିବନ୍ଧକ ଲଗାଇବାକୁ ଯାଉଛି ।
ଯୁବ ଜନସଂଖ୍ୟା ମଧ୍ୟରେ କ୍ରିକେଟ ମ୍ୟାଚ ବହୁତ ଲୋକପ୍ରିୟ । ଅନେକ ଘଟଣା ଘଟିଛି ଯେଉଁଠାରେ କ୍ରିକେଟ ମ୍ୟାଚ ଏବଂ ସେଲିବ୍ରିଟି ବିଜ୍ଞାପନ ସମୟରେ ଧୂମ୍ରପାନ ନଥିବା ତମାଖୁ ବିଜ୍ଞାପନ ଦେଖାଯାଇଛି । ଯାହା ନିଜ ଆଡକୁ ଅନେକ ଯୁବକଙ୍କୁ ଆକର୍ଷିତ କରିଥାଏ । ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ ଏବଂ ବିଶ୍ୱ ସ୍ୱାସ୍ଥ୍ୟ ସଂଗଠନ ଭିଟାଲ ଷ୍ଟ୍ରାଟେଜୀ ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ ୨୦୨୩ ମସିହାରେ ଧୂମପାନହୀନ ତମାଖୁ ବ୍ରାଣ୍ଡ ପାଇଁ ସମସ୍ତ ସରୋଗେଟ ବିଜ୍ଞାପନର ୪୧.୩ % କ୍ରିକେଟ ବିଶ୍ୱକପର ଶେଷ ୧୭ ଟି ମ୍ୟାଚ ସମୟରେ ପ୍ରସାରିତ ହୋଇଥିଲା ।