ଜୟପୁର ସୱାଇ ମାନସିଂହ ଷ୍ଟାଡିୟମରେ ଖେଳାଯିବ ଟୁର୍ଣ୍ଣାମେଣ୍ଟର ୯ମ ମ୍ୟାଚ

ଧୁମ ଧାମରେ ଚାଲିଛି ଆଇପିଏଲ ୨୦୨୪ ର ୧୭ ତମ ସଂସ୍କରଣ ।ଆଜି ରାଜସ୍ଥାନ ଜୟପୁର ସୱାଇ ମାନସିଂହ ଷ୍ଟାଡିୟମରେ ଖେଳାଯିବ ଟୁର୍ଣ୍ଣାମେଣ୍ଟର ୯ମ ମ୍ୟାଚ । ଆଉ ଏଥିରେ ମୁହାଁମୁହିଁ ହେବେ ରାଜସ୍ଥାନ ରୟାଲ୍ସ ଏବଂ ଦିଲ୍ଲୀ କ୍ୟାପିଟାଲ୍ସ । ତେବେ ରାତି ୮ଟାରେ ଖେଳାଯିବ ଏହି ମ୍ୟାଚ । କିନ୍ତୁ ଚଳିତ ଆଇପିଏଲରେ ବର୍ତ୍ତମାନ ପର୍ଯ୍ୟନ୍ତ ରାଜସ୍ଥାନ ମାତ୍ର ଗୋଟିଏ ମ୍ୟାଚ ଖେଳିଛି । ଯେଉଁଥିରେ ସେ ଗତ୨୪ ତାରିଖରେ ଲକ୍ଷେ୍ନø ସୁପର ଜାଏଣ୍ଟସକୁ ୨୦ ରନରେ ପରାସ୍ତ କରି ବିଜୟ ହାସଲ କରିଛି । ଯାହାଫଳରେ ରାଜସ୍ଥାନ ଟିମ ଏବେ ପଏଣ୍ଟ ଟେବୁଲରେ ୨ୟ ସ୍ଥାନରେ ରହିଛି । ପଏଣ୍ଟ ଟେବୁଲର ପ୍ରଥମରେ ଚେନ୍ନାଇ ସୁପର କିଙ୍ଗ ରହିଥିବା ବେଳେ ୨ ୟ ସ୍ଥାନରେ ରହିଛି ରାଜସ୍ଥାନ ରୟାଲ୍ସ । ତେବେ ଟିମ ବଟଲର , ଅଶ୍ୱିନୀ, ସଞ୍ଜୁ, ଟ୍ରେଣ୍ଟ ବୋଲ୍ଟ ପରି ଷ୍ଟାର ଖେଳାଳି ରହିଛନ୍ତି । ତେଣୁ ଏହି ମ୍ୟାଚରେ ମଧ୍ୟ ନିଜର ବିଜୟ ଧାରାକୁ ଜାରି ରଖିବାକୁ ଉଦ୍ୟମ କରିପାରେ ରାଜସ୍ଥାନ ରୟାଲ୍ସ ଟିମ । ସେହିପରି ଆଇପିଏଲର ୧୭ ତମ ସଂସ୍ମରଣରେ ଦିଲ୍ଲୀ କ୍ୟାପିଟାଲ୍ସ ନିଜର ପ୍ରଥମ ମ୍ୟାଚ ହାରି ସାରିଛି ଗତ ମାର୍ଚ୍ଚ ୨୩ ରେ ପଞ୍ଜାବ କିଙ୍ଗସରୁ ବିରୋଧରେ ଖେଳିଥିବା ମ୍ୟାଚରେ ୪ ୱିକେଟରେ ପରାସ୍ତ ହୋଇଛି ଦିଲ୍ଲୀ କ୍ୟାପିଟାଲ୍ସ । ତେଣୁ ୨ ୟ ମ୍ୟାଚରେ ଟିମ ବିଜୟ ଧାରାକୁ ଫେରିବା ଲକ୍ଷ ରଖିବ ଏହି ଟିମ ବୋଲି କୁହାଯାଉଛି । ଏହି ଦଳରେ ପନ୍ଥ, ୱାର୍ଣ୍ଣର, ଇଶାନ୍ତ ଶର୍ମା, କୁଳଦୀପ ଯାଦବ ପରି ଷ୍ଟାର ଖେଳାଳି ରହିଥିବା ହେତୁ ଯେକୌଣସି ପରିସ୍ଥିତିରେ ବିରୋଧୀ ଟିମକୁ ଚକମା ଦେଇପାରନ୍ତି ବୋଲି କୁହାଯାଉଛି ।