ଭାଇରାଲ ହେଉଛି ଧୋନୀ ଓ ବେବି ମାଲିଙ୍ଗାଙ୍କ ଭିଡିଓ

ନୂଆଦିଲ୍ଲୀ: ଚାଲିଛି ଫଟାପଟ କ୍ରିକେଟ । ପ୍ରତିଟି ମ୍ୟାଚ ଜବରଦସ୍ତ । ପ୍ରତି ଦିନ ନୂଆ ନୂଆ ରେକର୍ଡ । ସୋସିଆଲ ମିଡିଆରେ ବି ହଲଚଲ । ଉତ୍ସାହୀତ ଫ୍ୟାନ୍ସ ମୌଦାନରେ ଜମୁଛି ରନ ବର୍ଷା । ତେବେ ଏବେ ସୋସିଆଲ ମିଡିଆରେ ଭାଇରାଲ ଧୋନୀ ଓ ବେବି ମାଲିଙ୍ଗାଙ୍କ ଭିଡିଓ ।
ଶ୍ରୀଲଙ୍କାର ବୋଲର ମଥିଶା ମଥିଶା ପଥିରାନା । ଚେନ୍ନାଇ ସୁପରକିଙ୍ଗ୍ସର ଷ୍ଟାର ବୋଲର । ପୂର୍ବ ମ୍ୟାଚରେ ଆଘାତ କାରଣରୁ ଖେଳିପାରିନଥିଲେ ପଥିରାନା । ହେଲେ ଗୁଜୁରାଟ ବିପକ୍ଷ ମ୍ୟାଚରେ ମଥିଶା ସାମିଲ ହୋଇଥିଲେ ଟିମରେ । ତେବେ ଏହି ମ୍ୟାଚର ଭିଡିଓ ଏବେ ବେଶ ହଟ ଟପିକ ପାଲଟିଛି । କହିବାକୁ ଗଲେ ଭିଡିଓରେ ପଥିରାନା ଧୋନୀଙ୍କ ପାଦ ଛୁଇଁ ଆଶିର୍ବାଦ ନେଉଥିବା ଦେଖିବାକୁ ମିଳିଛି । ତେବେ ପ୍ରକୃତରେ ଏହି ଘଟଣା କଣ ଜଣାନାହିଁ । କିନ୍ତୁ ଲୋକେ କହୁଛନ୍ତି ସେ କୁଆଡେ ଧୋନୀଙ୍କ ଆଶୀର୍ବାଦ ନେଉଛନ୍ତି ।
ସୂଚନା ଅନୁଯାୟୀ, ପଥିରାନା ନିଜ ବୋଲିଂ ରନ ଅପ ସେଟ କରିବାକୁ ହ୍ୱାଇଟ ମାର୍କର ହଟାଉଥିଲେ । ଯାହା କ୍ୟାମେରାରେ କଏଦ ହୋଇଛି । ପରେ ସେ ଏହାକୁ ହଟାଇ ଫୋପାଡିଦେଇଥିଲେ । ତେବେ ଏହି ମାହି ସମୟରେ ସେଠାରେ ଉପସ୍ଥିତ ଥିଲେ । ଆଉ ଏହି ସମୟରେ କ୍ୟାମେରା ମୁଭ କରିଥିଲା । ଯାହାକୁ ନେଇ ଆରମ୍ଭ ହୋଇଥିଲା ଚର୍ଚ୍ଚା । ଏମିତି ବି ଚର୍ଚ୍ଚା ହେଲାକି ପଥିରାନ ଛୁଇଁଲେ ମାହୀଙ୍କ ପାଦ ।