ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି ଟି-୨୦ ବିଶ୍ୱକପ ବିଜେତା ଭାରତୀୟ ଟିମ । ଚାମ୍ପିଆନ ଟିମକୁ ଭେଟି ଖେଳାଳିଙ୍କୁ ସାବାସୀ ଦେଇଛନ୍ତି ପ୍ରଧାନମନ୍ତ୍ରୀ । ବାସଭବନରେ ମୋଦି ସମସ୍ତଙ୍କୁ ସମ୍ବର୍ଦ୍ଧିତ କରିଛନ୍ତି । ଅଧିନାୟକ ରୋହିତ ଶର୍ମା , ବିରାଟ କୋହଲି , ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା , ସୂର୍ଯ୍ୟକୁମାର ଯାଦବ ଏବଂ ରିଷଭ ପନ୍ଦଙ୍କ ସହିତ ୧୫ ଖେଳାଳି ଏବଂ କୋଚ ରାହୁଲ ଦ୍ରାବିଡ ମୋଦିଙ୍କୁ ଭେଟିଛନ୍ତି । ଭାରତୀୟ ଟିମ ସହିତ କଥା ହୋଇ ମୋଦି ବହୁତ ଖୁସି ଥିବା କହିଛନ୍ତି । ଖେଳାଳିଙ୍କ ସହିତ କଥାବାର୍ତ୍ତା ହୋଇ ମସ୍ତି ମଜାକ କରିବା ପରେ ଟ୍ରଫି ଓ ଖେଳାଳିଙ୍କ ସହିତ ଫଟୋ ଉଠାଇଛନ୍ତି ପ୍ରଧାନମନ୍ତ୍ରୀ । ଟାଇଟଲ ଜିତିବା ପରେ ଖେଳାଳିମାନଙ୍କ ସହ କଥା ହୋଇଥିଲେ ପ୍ରଧାନମନ୍ତ୍ରୀ । ଆଜି ଖେଳାଳି ଏବଂ ଦଳର ଅନ୍ୟ ସଦସ୍ୟମାନଙ୍କୁ ସମ୍ବର୍ଦ୍ଧିତ କରିଛନ୍ତି ମୋଦି । ଏଥିପାଇଁ ପ୍ରଧାନମନ୍ତ୍ରୀଙ୍କ ବାସଭବନରେ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା । ମୋଦିଙ୍କ ସହିତ ସାକ୍ଷାତ ପରେ ଦିଲ୍ଲୀରୁ ମୁମ୍ବାଇ ଅଭିମୁଖେ ବାହାରିଛନ୍ତି ଭାରତୀୟ ଖେଳାଳି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି ଟି-୨୦ ବିଶ୍ୱକପ ବିଜେତା ଭାରତୀୟ ଦଳ
