ମହିଳା ହକି ଚାମ୍ପିଅନଶିପ୍ ଉଦ୍ଘାଟିତ

(ଓଡିଶାସ୍ପୋର୍ଟସ ): ଶୁକ୍ରବାର ଦିନ ହକି ଓଡ଼ିଶା ଦ୍ୱାରା ଆୟୋଜିତ ରାଜ୍ୟ ମହିଳା ହକି ଚାମ୍ପିଅନଶିପ୍ ରାଉରକେଲାସ୍ଥିତ ପାନପୋଷ ରାଜ୍ୟ କ୍ରୀଡ଼ା ଛାତ୍ରାବାସରେ ଉଦ୍ଘାଟିତ ହୋଇଯାଇଛି । ରାଉରକେଲାର ଅତିରିକ୍ତ ଜିଲ୍ଲାପାଳ ୟେଦୁଲା ବିଜୟ ଏହି ଟୁର୍ଣ୍ଣାମେଣ୍ଟକୁ ଉଦ୍ଘାଟନ କରିଥିଲେ। ଏଥିସହ ହକି ଓଡ଼ିଶାର ଯୁଗ୍ମ ସମ୍ପାଦକ ପ୍ରଣବ ପଟ୍ଟନାୟକ ଅତିଥି ଭାବେ ଯୋଗ ଦେଇଥିଲେ। ପାନପୋଷ କ୍ରୀଡା ଛାତ୍ରାବାସ , ସୁନ୍ଦରଗଡ଼ ଜିଲ୍ଲା , ସମ୍ବଲପୁର , ଢେଙ୍କାନାଳ , ଖୋର୍ଦ୍ଧା , ଓଡିଶା ପୁଲିସ, ସାଇ , ସୁନ୍ଦରଗଡ଼, କିସ୍ ଆଦି ୯ଟି ଦଳ ଏହି ମହିଳା ହକି ପ୍ରତିଯୋଗିତାରେ ଯୋଗ ଦେଇଛନ୍ତି।ଏହି ଚାମ୍ପିଅନଶିପ ଆସନ୍ତା ୧୨ ତାରିଖ ପର୍ୟ୍ୟନ୍ତ ଚାଲିବ।