(ଓଡିଶା ସ୍ପୋର୍ଟ): ତାମିିଲନାଡୁର ଡି ଗୁକେଶ ବିଶ୍ୱର ଦ୍ୱିତୀୟ ଏବଂ ଭାରତା ସବୁଠାରୁୁ ଯୁବା ଗ୍ରାଣ୍ଡ୍ ମାଷ୍ଟର ହୋଇଛନ୍ତି । ଗୁକେଶ ମଙ୍ଗଳବାର ଦିନକୁ ୧୨ ବର୍ଷ ୭ ମାସରେ ଏହି ପଦ ହାସଲ କରିଛନ୍ତି । ସେ ନିଜ ରାଜ୍ୟର ଆର. ପ୍ରାଗନନ୍ଦାଙ୍କ ରେକର୍ଡ ଭାଙ୍ଗିଛନ୍ତି ଯିଏ ଗତବର୍ଷ ଜୁନ୍ରେ ଗ୍ରାଣ୍ଡ ମାଷ୍ଟର ହୋଇଥିଲେ । ଗୁକେଶ ୧୭ତମ ଦିଲ୍ଲୀ ଅନ୍ତରାଷ୍ଟ୍ରିୟ ଓପନ ଶତରଞ୍ଜ ଟୁର୍ଣ୍ଣାମେଣ୍ଟରେ ନବେ ପାରିରେ ହମବତନ ଡିକେ ଶର୍ମାଙ୍କୁ ହରାଇ ନିଜର ତୃତୀୟ ଏବଂ ଶେଷ ଗ୍ରାଣ୍ଡ୍ ମାଷ୍ଟର ବିଜୟ ହାସଲ କରିଛନ୍ତି ।
ଦୁନିଆର ସବୁଠାରୁ ଯୁବା ଗ୍ରାଣ୍ଡ୍ ମାଷ୍ଟରର ରେକର୍ଡ ୟୁୁକ୍ରେନ୍ ର ସର୍ଗେଇ କାର୍ଜାକିନଙ୍କ ନାମରେ ରହିଛି । ସେ ୨୦୦୨ ମସିହାରେ ୧୨ ବର୍ଷ ୭ ମାସରେ ଏହି ରେକର୍ଡ ହାସଲ କରିଥିଲେ । ଗତବର୍ଷ ଡିସେମ୍ବରରେ ଗୁକେଶ ଏହି ରେକର୍ଡ କରିବାରେ ବିଫଳ ହୋଇଥିଲେ । ସେତେବେଳେ ସେ ବର୍ଷିଲୋନାରେ ତୃତୀୟ ପାଳିରେ ହାରିଯାଇଥିଲେ । ସେ କହିଥିଲେ ‘ମୁଁ ଗ୍ରାଣ୍ଡ୍ ମାଷ୍ଟର ର ହୋଇ ବହୁତ ଖୁସି ଏବଂ ଉତ୍ସାହିତ । ମୋତେ ଖୁସି ଏଥିପାଇଁ ଲାଗୁଛି କି ମୁଁ ତୃତୀୟ ଗ୍ରାଣ୍ଡ୍ ମାଷ୍ଟର ପଦ ହାସଲ କରିଛି । ମୁଁ ଭବିଶ୍ୟତରେ ଆନନ୍ଦ ସାର୍ (ବିଶ୍ୱନାଥ ଆନନ୍ଦ)ଙ୍କ ବିପକ୍ଷରେ ଖେଳିବା ପାଇଁ ଚାହିଁବି ।’
