ଭାରତୀୟ ହକି ଟିମ ଲଗାତାର ଅଲିମ୍ପିକ୍ସରେ କାଂସ୍ୟ ପଦକ ଜିତିଛି । ଭାରତୀୟ ହକି ଟିମ କାଂସ୍ୟ ପଦକ ଜିତିବା ପରେ ସମଗ୍ର ଦେଶରେ ସେଲିବ୍ରେସନ ମାହୋଲ ରହିଛି । ହକି ଟିମ ଫେରିବା ପରେ ଦିଲ୍ଲୀ ବିମାନବନ୍ଦରାୀ ଭବ୍ୟ ସ୍ୱାଗତ କରାଯାଇଥିଲା । ଖେଳାଳିଙ୍କୁ ଢୋଲ ବଜାଇ , ମାଳ ପିନ୍ଧାଇ ସ୍ୱାଗତ କରାଯାଇଥିଲା । ଟିମର ଅଧିନାୟକ ରୋହତପ୍ରୀତ ସିଂ କହିଛନ୍ତି , ପଦକ ଯାହା ବି ହେଉ ଦେଶ ପାଇଁ ଜିତିବା ବଡ କାମ । ଆମେ ସ୍ୱର୍ଣ୍ଣ ଜିତିବା ପାଇଁ ସ୍ୱପ୍ନ ଦେଖିଥିଲୁ କିନ୍ତୁ ଏହି ସ୍ୱପ୍ନ ପୁରା ହୋଇ ପରିଲା ନାହିଁ । କିନ୍ତୁ ଆମେ ଖାଲି ହାତରେ ଆସିନାହୁଁ । ଲଗାତାର ଦୁଇଟି କାଂସ୍ୟ ପଦକ ଜିତିଛୁ । ଆମକୁ ଯେଉଁ ଭଲପାଇବା ମିଳିଛି ତାହା ଆମ ଦାୟିତ୍ୱକୁ ବଢାଇ ଦେଇଛି । ଆମେ ଦେଶ ପାଇଁ ପୁଣିଥରେ ସ୍ୱର୍ଣ୍ଣ ପଦକ ଆଣିବା କୁ ଚେଷ୍ଟା କରିବୁ ।
ଅଲିମ୍ପିକ୍ସରେ ଟିମ ଜିତିବା ପରେ ମଧ୍ୟପ୍ରଦେଶ ସରକାର ଖେଳାଳି ବିବେକ ସାଗର ପ୍ରସାଦଙ୍କୁ ୧ କୋଟି ଟଙ୍କା ପୁରସ୍କାର ରାଶି ଘୋଷଣା କରିଥିଲେ । ସେହିପରି ଓଡିଶା ମୁଖ୍ୟମନ୍ତ୍ରୀ ମୋହନ ମାଝି ମଧ୍ୟ ବିବେକ ସାଗରଙ୍କ ସହିତ କଥା ହୋଇଥିଲେ । ଏହାସହ ଭାରତୟ ହକି ଖେଳାଳିଙ୍କ ପାଇଁ ପୁରସ୍କାର ଘୋଷଣା କରିଛନ୍ତି । ବିଜୟୀ ହେବା ପରେ ହକି ଖେଳାଳିଙ୍କୁ ଶୁଭେଚ୍ଛା ଜଣାଇବା ସହ ଓଡିଶା ଆସିବାକୁ ନିମନ୍ତ୍ରଣ କରିଛନ୍ତି ମୁଖ୍ୟମନ୍ତ୍ରୀ ।
ସ୍ୱଦେଶ ଫେରିଲେ ଭାରତୀୟ ହକି ଦଳ
